မိုင်းပန်ပျော်၊ ဧပြီ ၇ ရက်၊ နမ္မတူ
တအာင်းတပ်မတော် -TNLA ထိန်းချုပ်ထားတဲ့ ရှမ်းမြောက် နမ္မတူမြို့နယ် မိုင်းရင်အုပ်စု မန်ဆာကျေးရွာမှာက အမျိုးသားတစ်ဦဟာ ပျက်နေတဲ့ မီးကြိုးတွေ ပြင်နေရင်း ဓာတ်လိုက်ခံရပြီး သေဆုံးသွားခဲ့တယ်လို့ ဒေသခံတွေဆီကနေ သိရပါတယ်။
ဖြစ်စဉ်ကတော့ ဧပြီလ ၃ ရက်နေ့မှာ မန်ဆာကျေးရွာက အမျိုးသားတစ်ဦးက မီးပြင်နေရင်း ဓာတ်လိုက်ခံရတာကြောင့် သေဆုံးခဲ့တာ ဖြစ်ပါတယ်။
“၃ ရက်နေ့တုန်းက မီးပြင်နေတုန်း မီးရှော့ဖြစ်ပြီး ဓာတ်လိုက်သွားတာ။ အဲဒါကြောင့် သေသွားတာပါ” လို့ ဒေသခံအမျိုးသားတစ်ဦးက ပြောပါတယ်။
သေဆုံးသူကတော့ အသက် ၃၀ ဝန်းကျင်အရွယ်ရှိတဲ့ ဦးအိုက်နိုင်ဆိုသူဖြစ်ပြီး မန်ဆာကျေးရွာမှာ မီးစက်ပြင်ဆရာအဖြစ် လုပ်ကိုင်နေသူဖြစ်တယ်လို့ ဆိုပါတယ်။
လက်ရှိမှာတော့ ဓာတ်လိုက်သေဆုံးသွားတဲ့ ဦးအိုက်နိုင်ရဲ့ ရုပ်အလောင်းကို ကျေးရွာသားတွေက ဝိုင်းဝန်းသဂြိုလ်ပေးခဲ့ပြီး ရက်လည်ဆွမ်းအလှူလည်း ပြုလုပ်ပေးခဲ့ပြီလို့ သိရပါတယ်။
မီးစက်နဲ့ လျှပ်စစ်ပစ္စည်းတွေကို ပြုပြင်တဲ့အခါမှာ အခုလို နောက်ထပ် မဖြစ်ရလေအောင် အထူးဂရုစိုက်ကြဖို့ လိုအပ်ကြောင်းလည်း ပြောဆိုကြပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
