မာည်းအဆျှဴင်၊ ကျံရ်မာချှ် ဆငည်း 13၊ အိုမ်ငျံရ်
ဘိူန်းအယ်နံပ်တ ကညာကားကဲပေန်ခ္လဒိူန်ဒါႈ တံပ်ကိုကာင် MNDAA ဟည်ဒဲႈလည်ပေန်ခ္လဒိူန်ခ္လေါႈဟာဝ်း ယိူဝ်ႇကဒါႇလှံင်လာဆေဝ် ဟာဝ်းကဒါႇထိင်ခြဲ တံပ်ဆီုက်တအာင်း TNLA ကဲ ပအိုမ်ငျံရ်နီန်အောႏ။
“အမှိူဝ် ကျံရ်မာချှ် ဆငည်း 12 ဒိူန် ကဲဟည်ကားအီတာင်လည်ကဲဒိူန် ခ္လေါႈဟာဝ်းဒိုႇ။ ဆာ်မိုႈ ရကာဝ်၊ အိုမ်ပျြံင်ကဲနီန် ကဲခွါင်းဒဲႈလာ်မာ်အာဝ်နံပ်။ ယဲမိုႈယဲတာင်လိူည်လည် (ကုန်စည်)နီန်”
ဇူႈဒါႇခည်ကျံရ်ေႎှဲပ်ဘျူရီ ဆငည်း 13 ဒိူန် တံပ်ကိုကာင် MNDAA ကဲ ကာည်း တံပ်တအာင်း TNLA ကဲ ဘံန်ဟောည်ႇပဲန်ဟာဝ်းကဲ ပဋိပက္ခနီန်ပအေဲမ်ကိုက်နီန် တံပ်ကိုကာင် အာဝ်ဒဲႈယာ့် အီတာင်တိုန်းလည်နီန် ကဒါႇအရာပ်တအာင်းကဲအောႏ။
ဇူႈဒါႇ အမှိူဝ် ကျံရ်မာချှ် ဆငည်း 12 ဒိူန် ရောတ်ဘံင်အဒိူဝ် ကျံရ်မာချှ် ဆငည်း 13 ခီညှာနီန် တံပ်ကိုကာင်ကဲ ဟည်ခွါင်းဒဲႈ အီတာင်တိုန်းလည်နီန် တေဲင်ကပုအီနိုင်း အ်ုန်အီကတူည်ႇဒဲႈ လာဆေဝ် ကာည်း အိုမ်ငျံရ်နီန်အောႏ။
ကညာလည်လာဆေဝ် – အိုမ်ငျံရ်နီန် အူအီးက္လာင်းတဖုင်ဆျှိုည်ဖီမျေဒါႈ “ ဘံင်အဒိူဝ် ခီညှာဒိူန် ကဲႎှိုဝ်ႈဒဲႈအေ့။ ကဲႎှိုဝ်ႈလိူည်ဘံင် ဘံန်ဆံန် 11 နြီ 12 နြီနီန်။ ဆာ်လည်(ကုန်စည်)နီန် ဘိူန်းဒိုႇခ္လေါႈ”။
ဘိူန်းအယ်နံပ် တောပ်ဘည်က္လာင်း ကညာလည်အူအီးဒါႈ ကဲဘိူည်ဒဲႈအယ်တာင်တိုန်း ဂြိုပ်ုန်နံင်ဒါရေဲန်ဂါင်၊ ဂြိုပ်ုန်ဒါတိုအီး၊ ဂြိုစာက် ကာည်း ဂြိုခည်ဂီုန်မာ် အ်ုန်အီမိုႈ ဂြိုပ်ုန်ဟောမ်ပ်ုန်ဟာပ် ရကာဝ်၊ အိုမ်ပျြံင် ကာည်း အိုမ်ပျြံင်ထာတ်နီန် ကဲအာဝ်ခွါင်းဒဲႈစိ အယ်တာင်တိုန်းအောႏ။
ကဝ်အီကပ္လါႇဆဒါင် – လိုည်ပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
