လက်ဖက်မြေ၊ ဖေဖော်ဝါရီ ၂၂ ရက်၊ လားရှိုး
ရှမ်းမြောက် လားရှိုးမြို့နယ်က ကျေးရွာ ၁ ရွာမှာ သက်ကြီးရွယ်အို ၂ ယောက်သာ နေထိုင်တဲ့အိမ် မီးလောင်လို့ ပြန်လည်ထူထောင်ရေးအတွက် အကူအညီလိုအပ်နေတယ်လို့ ဒီဖြစ်စဉ်ကို သိရှိထားသူ အမျိုးသားတစ်ဦးက ရွေဖီမြေကို ပြောပါတယ်။
မနေ့ ဖေဖော်ဝါရီ ၂၁ ရက် မနက်အစောပိုင်း ၂ နာရီဝန်းကျင် လားရှိုးမြို့နယ် ကျယ်ခေါင်ကျေးရွာက နေအိမ် ၁ လုံးမီးလောင်ပြာကျသွားခဲ့တာကြောင့် စားဝတ်နေရေးအတွက် အကူအညီလိုအပ်နေတာပဲ ဖြစ်ပါတယ်။
“မီးကိုသေချာငြိမ်းပြီးမှ အိပ်တာတဲ့။ ညဆိုတော့ လေတိုက်လို့ မီးလောင်သွားတဲ့ သဘောပေါ့နော်။ ဘယ်လိုဖြစ်ပြီး လောင်သွားလည်းတော့ မသိဘူး။ မီးဖိုချောင်ကနေ တဆင့်မီးလောင်တာပေါ့။ အဖွားကတော့ အိမ်ပေါ်ကနေ ခုန်ဆင်းလို့ ဘာမှမဖြစ်ပါဘူး။ အဲအိမ်မှာက သူတို့ ၂ ယောက်ထဲပဲ နေတာပါ။ အခုတော့ သူတို့က တဲထိုးပြီးတော့ နေရတယ်”
နေအိမ်မီးလောင်ဖြစ်ပွါးနေချိန်မှာ အဘိုးဖြစ်သူဟာ နှလုံးဖောက်ပြီး မူးလဲတာကြောင့် ခေါင်းမှာ ဒဏ်ရာရရှိခဲ့ပေမဲ့ မစိုးရိမ်ရဘူးလို့ သိရပါတယ်။
နေအိမ်တစ်ခုလုံး မီးလောင်ပြာကျသွားလို့ ကျွေးမွေးပြုစုသူ မရှိတော့တာကြောင့် ပြန်လည်ထူထောင်ရေးနဲ့ စားဝတ်နေရေးအတွက် အရေးပေါ်လိုအပ်နေတယ်လို့ အထက်ပါ အမျိုးသားက ပြောပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
