လက်ဖက်၊ ဇန်နဝါရီ ၂၄ ရက်၊ တာချီလိတ်
ထိုင်း-မြန်မာ နယ်စပ်မြို့ဖြစ်တဲ့ ရှမ်းအရှေ့ တာချီလိတ်မြို့မှာ အမျိုးသား ၄ ဦးက အမျိုးသမီး တစ်ဦးကို ပြန်ပေးဆွဲခဲ့တယ်လို့ ရပ်ကွက်နေ အမျိုးသမီးရဲ့ ပြောပြချက်အရ သိရပါတယ်။
မနေ့ ဇန်နဝါရီ ၂၄ ရက် မနက် ၈ နာရီမှာ တာချီလိတ်မြို့ ဆန်ဆိုင်းက ရပ်ကွက် မြို့ပတ်လမ်းအနီးမှာ အသက် ၃၀ ကျော်အရွယ် အမျိုးသမီးတစ်ဦး ပြန်ပေးဆွဲခံခဲ့ရတာ ဖြစ်ပါတယ်။
ရပ်ကွက်နေ အမျိုးသမီးက “ဘာကြောင့်ဖမ်းခေါ်တာလဲ ဘယ်သူမှမသိဘူး။ သေနတ်ချိန်ပြီး ဆွဲခေါ်ထွက်တာလို့ အိမ်ကလူတွေပြောတယ်” လို့ ဆိုပါတယ်။
လက်ရှိ သတင်းရေးသားချိန်ထိ မိသားစုတင်တွေက သက်ဆိုင်ရာကို တိုင်ထားပြီး လိုက်လံရှာဖွေခဲ့ပေမဲ့ တရားခံကို ဖမ်းဆီးနိုင်တာ မရှ်ိသေးပါဘူး။
တာချီလိတ်မြို့မှာ လောင်းကစားဝိုင်းအပြင် ကျားဖျန့်ရုံလည်းများတာကြောင့် မကြာခန ပြန်ပေးဆွဲမှုနဲ့ လုယက်မှုတွေ ဖြစ်ပွားနေပေမဲ့ သက်ဆိုင်ရာက အရေးယူဆောင်ရွက်နိုင်တာ မရှိပါဘူး။
ပြီးခဲ့တဲ့ ဇန်နဝါရီ ၁၆ ရက်ကလည်း ဆန်ဆိုင်း ခ ရပ်ကွက်မှာ အမျိုးသားတစ်ဦး ပြန်ပေးဆွံခံခဲ့ရတဲ့ ဖြစ်စဉ်ဖြစ်ပွားခဲ့ပြီး ငွေနဲ့ပြန်ရွေးခိုင်းခဲ့တယ်လို့ ဆိုပါတယ်။
အလားတူဖြစ်စဉ်မျိုး တရုတ်-မြန်မာ နယ်စပ်မြို့ဖြစ်တဲ့ စစ်ကောင်စီတပ် ထိန်းချုပ်ထားတဲ့ မူဆယ်မှာလည်း မကြာခန လူသတ်မှု၊ လုယက်မှုနဲ့ ပြန်ပေးဆွဲခံရမှုတွေ ဖြစ်ပွားနေကြောင်း ဒေသခံတွေက ဆိုပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
