မာည်းရူပ၊ ကျံရ်ဇံန်နဗရီ ဆငည်း 3
ကပုဆဘော ပ်ုန်လည်ဘိဟာဝ်း တံပ်ကညာအာဏာဆီုက်ဇေဝ် ကာည်း MNDAA ကဲ လှေအ်ုန်အီကတူည်,ဒဲ; ကီုင်းလာလာဆေဝ် ကာည်း ကီုင်းဆဘောနီန် ကဲဒါ;တံပ်ကိုကာင်ကဲ ဟည်က္လိုတ်ဗီရ်ဒါ,အ်ုန်အော။
တံပါကိုကာင် MNDAA ကဲ က္လိုတ်ဗီရ်ခည်ကျံရ်ဇံန်နဗရီ ဆငည်း 1 ဒိူန် ကဲက္လိုတ်ဗီရ် ကံပ်ရောတ် 9 မဲင် အ်ုန်အီဂေါည်တောပ်ဒေင်နမ့်လန်ကာည်း ဆဘောနီန်အော။
အ်ုန်အီဂေါည်ပရဝ် မယ်ဟန်ကဲအူအီး က္လာင်းဒါ; ဆဲဒီန် ဂေတ် MNDAA အ်ုန်အီဂေါည်နှာရိူဝ်,ကီုင်းလာဆေဝ် ပရဝ်မယ်ဟန်နီန်မာ် ကဲယာ်;ဗီုန်ခည်ကျံရ်ဇံန်နဗရီ ဆငည်း 2 ဒိူန်အော။
ကဲဒါ; “ အဒိူဝ် တံပ်ကိုကာင်ကဲ အာဝ်ရဲ့စိ ပဂေတ်မယ်ဟန်ဒိူဝ်။ ကဲယာ်ဒီဂေါည်ကဲ အ်ုန်အီမို;ရီမ်းပြောဂေတ်ဒီန်။ မို;လိူည်ဆီုက်ကိုကာင်ကဲစီ ဂေါည်အေ့။ လာင်ယာင်ကဲမာ် အာဝ်ယိူဝ်းစိကဲဆီမ်းအူန်း”။
ကဲအီဂေါည်ကဒံပ်တောပ် MNDAA ကဲဒါ; ဂေါ,ပ်ုန်ဆဖောတ တံပ်ကညာအာဏာဆီုက်ဇေဝ်နီန် ကဲယာ်;လိူည်ဂေတ်အ်ုန်အီကဲပ်ရူရ်;နီန် ဆာ်မို;လံပ်ဘြောင်ချှာင်နီန် အ်ုန်ဂေါည်လိူည်ခြူမ် MNDAA ကဲအော။
အ်ုန်အီဂေါည်ကဒံပ်တောပ် MNDAA ကဲအူအီး က္လာင်းတဖုင်ဆျှိုည်ဖီမျေဒါ; “ အာဝ်မို;စိ တံပ်ကိုကာင်ကဲ က္လိုတ်ဗီရ်ဒါ,မယ်ဟာန်။ ကဲယာ်;လိူည်ဂေတ် အ်ုန်အီဂေါည်ပမယ်ဟန် နံင်ဘာည်းလိူည်ကဲပယောမ်ရဲင်ဘ္လောမ်ကဲ”။
ခည်ကျံရ်ဒီဆဲမ်ဘာ ဆငည်း 29 ဒိူန် ဘံန်လည်ယိူဝ်း တံပ်ကိုကာင် MNDAA ကဲ ကာည်း တံပ်ကညာအာဏာဆီုက်ဇေဝ်ကဲ ပဟိုတယ် ဆာင်းအာရ်တိုနီန် ပဲန်ဟာဝ်းပွံတ် ကဲက္လိုတ်ဗီရ် ခနားလာဆေဝ် ကာည်း ဆဘောနီန်အော။
ဘံန်က္လိုတ်ဗီရ် MNDAA ကဲ ဒါ,ဆဘောနီန် ဆဒါင်ဘိူည်လေ;ဒါ; ကဲနံင်ဗီရ်ဗိူဝ်;ကပုဆဘောနီန်မာ် ကံပ်ရောတ်ကဇေန်နီး ညှံမ်ယိူဝ်းစ်ိကဲဒဲ;အီးခ္လေါ;ဟာဝ်းဗီရ်အော။
ဂေါ,ပ်ုန်လီပ်ကမိုန်ဒဲ;ခယ်ကဲ ခနားတံပ်ကိုကာင် ကာည်း MNDAA ကဲ ဇံင်းဟာဝ်းဖါ်; ဘည်ကတီုက်ကပဲင်ကဲစီ အာပ်ဗီရ်ကီုင်းလာဆေဝ် အ်ုန်အီမို;ပ်ုန်ထိင်ခြဲ MNDAA ကဲ ခေဲင်ကီုင်းလာဆေဝ် ခည်ဆန်ုမ် 2025 ခေဲင်ကျံရ်အေပ်ြုရ်ဒိူန်အော။
ဘံန်ဇံင်းဟာဝ်းကဲ ပည်အာရ်ကဒါ, တံပ်ကညာအာဏာဆီုက်ဇေဝ်ကဲ မှာန်းဘိုးအ်ုန်အီမို;ပ်ုန်ထိင်ခြဲ တံပ်ကိုကာင်ကဲ နှာရိူဝ်,ကီုင်းလာဆေဝ် ကာည်း ကီုင်းတေင်နီနီန် ဘိူည်ဘာည်းဒီန်မာ် တံပ်MNDAA ကဲ အာဝ်ရံပ်ခါမ်စိအော။
ကဝ်အီကပ္လါႇဘေဲႇဆဒါင် – လိုည်းပို;ဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
