မာည်းရူပ၊ ကျံရ်ဒီဆဲမ်ဘာ ဆငည်း 22၊ လာဆေဝ်
တိုအီးကီုင်းလာဆေဝ်ကဲအူအီး က္လာင်းတဖုင်ဆျှိုည်ဖီမျေဒါႈ အမှိူဝ် ကျံရ်ဒီဆဲမ်ဘာ ဆငည်း 21 စူန်အံပ် ကပံတ် 5 ဒိူန် ဒီထိင်ခြဲတံပ်ကညာအာဏာဆီုက်ဇေဝ်ကဲ ပကီုင်းလာဆေဝ် ဒီ 3 ဒီအာဝ်ယောမ် ပဲန်ဟာဝ်းအမှုပဒူႈ နံင်မိူဝ်ႈအေ့တိုအီးဘာတ်အောႏ။
အ်ုန်ပဲန်ဟာဝ်း ခေဲင်ကီုင်လာဆေဝ် ပလူမ်ခေဲင်ဇံင် 5 ကာည်း ခေဲင်လူမ် ဇံင် 2 ဆဲႈဒီန် အ်ုန်ပဲန်ဟာဝ်းဘိုး ပဇံင် 12 အ်ုန်အီမိုႈဒီဂေါည်ဂီုန်းတိုအီးနီန် ဘျုင်ပဒူႈဟာဝ်း 3 ပိုင်းအောႏ။
တိုအီးကီုင်းလာဆေဝ် ကောန်အီမာည်း အူအီး က္လာင်းတဖုင်ဆျှိုဖီမျေဒါႈ “ ခေဲင်ဇံင် အာရ်နီန် ယိူဝ်းကဲဒါႈ အာဝ်မိူဝ်ႈစိအီလ။ ခေဲင်ဇံင်ကိူရ်အာရ်နီန် အ်ုန်ပဲန်ဟာဝ်းပွံတ် ဒီဂေါည်ဂီုန်တိုအီး။ မိုႈလိူည်ညှံမ်နံပ်စိ ဘည်တိူဝ်လကဲနီန်” ။
အ်ုန်ဆီုပ်ဒါႈဘိုး အမှုပဒူႈနီန် နံင်မိုႈလိူည် ကဲဒဲႈဆဒိ ကနာည်နံင်အာဝ်တောပ် ခေဲင်ပ်ုန်နံင်ရေဲန်ကဲတ ပ္လေါည်ရံရ်ႈက်ုန်ရံရ်နီန်အောႏ။
ကဲဒါႈဘိုး ဘံန်ပဲန်ဟာဝ်းတ အမှုပဒူႈနီန် ဖုင်ပလိက်ချူမ်တံပ်ကညာအာဏာဆီုက်ဇေဝ်ကဲ ဒီစေတ်မေန်းဟာဝ်းဖါ်ႈ ဘျုင်ကဲအီညှံမ်ပဒူႈမာ် ကဲဒါႈမိုႈဘိုးအောႏ။
လာမယ့် ဒီဇင်ဘာ ၂၈ ရက်မှာ စစ်ကောင်စီက ရွေးကောက်ပွဲကျင်းဖို့ ပြင်ဆင်နေပြီး တော်လှန်ရေးအင်အားစုတွေဘက်က စစ်ကောင်စီရဲ့ ရွေးကောက်ပွဲမှာ မပါဝင်ဖို့ သတိပေးထားပါတယ်။
ဘံန်နံင်ရောတ်ဒေဲႈ ကျံရ်ဒီဆဲမ်ဘာ ဆငည်း 28 နီန် တံပ်ကညာအာဏာဆီုက်ဇေဝ်ကဲ ရဲန်အူန်း ဒါႈနံင်ရေဲန်ဟာဝ်း ပ္လေါည်ရံရ်ႈက်ုန်ရံရ်နီန် ကဒါႇတံပ်ကပိုမ်ဖုင်လံပ်တီုက်ႎှီုန်းကဲမာ် ဒဲႈအူန်းဆဒိ ကနာည်နံင်အာဝ်တောပ် ခေဲင်ပ္လေါည်ရံရ်ႈက်ုန်ရံရ်ဒီန်အောႏ။
ကဝ်အီကပ္လါႇဘေဲႇဆဒါင် – လိုည်းပို;ဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
