လွေးဇွန်မိုး၊ ဒီဇင်ဘာ ၁၅ ရက်၊ နမ္မတူ
လားရှိုးမြို့နယ်နဲ့နမ္မတူအဆက် မန်စံရေကျကျေးရွာမှာ ချစ်သူရည်စားဖြစ်သူ ၂ဦးက စကားများရာကနေ ဓားထိုးမှုဖြစ်ပြီး အမျိုးသမီးဖြစ်သူ ဒဏ်ရာရခဲ့တယ်လို့ သိရပါတယ်။
ဖြစ်စဉ်ဟာ ပြီးခဲ့တဲ့ အောက်တိုဘာ ၁၃ ရက် နေ့လည် ၁၂ နာရီခွဲဝန်းကျင်မှာ မောင်ရွှေသူအောင်နဲ့ မအိအိဇင်တို့သမီးရည်းစား ၂ ဦးဟာ မန်စံရေကျကျေးရွာက မအိအိဇင်တို့ရဲ့နေအိမ်မှာ စကားများရာကနေ မအိအိဇင်က လမ်းခွဲစကားပြောတယ်ဆိုပြီး ကောင်လေးဖြစ်သူက မအိအိဇင်ကို ဓားနဲ့ထိုးခဲ့တာဖြစ်တယ်လို့ ဖြစ်စဥ်သိရှိသူ အမျိုးသားတစ်ဦးက ပြောပါတယ်။
“အမျိုးသမီးက သေတာတော့ မသေဘူး။ ဆေးရုံတက်နေတာတဲ့” လက်ရှိမှာ ဒဏ်ရာရခဲ့တဲ့ မအိအိဇင်ဟာ လားရှိုးပြည်သူ့ဆေးရုံမှာ ကုသမှုခံယူနေတယ်လို့ သိရပါတယ်။
ပြစ်မှုကျူးလွန်သူ မောင်ရွှေသူအောင်ကိုတော့ TNLA ရဲ့ နမ္မတူမြို့နယ်ရဲတပ်ဖွဲ့က ဖမ်းဆီးထားပြီး တရားဥပဒေအတိုင်း အရေးယူဆောင်ရွက်နေတယ်လို့ ရွှေဖီမြေက စုံစမ်းသိရပါတယ်။
အလားတူ ပြီးခဲ့တဲ့ ဖေဖော်ဝါရီ ၂၃ ရက် ည ၇ နာရီ ဝန်းကျင်မှာလည်း သီပေါမြို့နယ် စံဖိတ်ကျေးရွာက နေအိမ်တစ်အိမ်မှာ ဓားထိုးမှုဖြစ်ပွားခဲ့တာကြောင့် မိသားစုဝင် နှစ်ယောက်သေဆုံးပြီး နှစ်ယောက် ဒဏ်ရာရရှိခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
