မာည်းရူပ၊ ကျံရ်ဒီဆဲမ်ဘာ ဆငည်း 3၊ အေဲမ်ကိုက်
ဖုင်ဆျှိုည်ဖီမျေကဲ တခေါရ်နံပ် ဒီဘိူန်းတံပ်ဆီုက်တအာင်း PSLF/TNLA ပကီုင်းအေဲမ်ကိုက် ခေဲင်ကဲအီႎိူဝ်ႈလာ်ဒါကဘေဲမ် ဒဝ်ဟာဝ်းကဲနီန် ကဲႎီရ်ဘိူန်းတိုည်း 6 အီး။
ကဝ်အီကဒံပ်တောပ် ဖုင်ပလိက်အေဲမ်ကိုက်ကဲအူအီး က္လာင်းတဖုင်ဆျိုည်ဖီမျေဒါႈ ခည်ကျံရ်နိုႎဲမ်ဘာ ဆငည်း 1 ဒိူန် ကဲအီဇောႈကဘေဲမ်ကဲနီန် 20 အီး ႎိူဝ်ႈဖါ်လာ်ဒါကဘေဲမ် ဒဝ်ဟာဝ်း ခေဲင်ကဲအီႎိူဝ်ႈလာ်ဒါကဘေဲမ် ဒဝ်ဟာဝ်းကဲနီန် တံပ်ပလိက်ကဲတောပ်ဖါ်ႈဒေဲႈတိုည်း ဘိူန်းတိုည်းဟာဝ်း 6 အီးအောႏ။
ကဲဒါႈ “ ခေဲင်ကဲအီဒဝ်ဟာဝ်းကဲဒိူန်မိုႈ 20 အီးစီဘိူန်းတိုည်း 6 အီး။ ခေဲင်ကဲအီဒဝ်လောတ်နီန် အ်ုန်တောပ် အီလူည်ႇအမှုကာမ၊ အမှုဘြား၊ အမှုခံင်မာဝ်းကဲဂဲနီန်”။
အ်ုန်ဆီုပ်ဒါႈဘိုး တိုအီးကဲအီဇောႈကဘေဲမ် ခေဲင်ကဲအီႎိူဝ်ႈလာ်ဒါကဘေဲမ် ဒဝ်ဟာဝ်းကဲနီန် ဖုင်ပလိက်ကဲ တောပ်ဖါ်ႈဒေဲႈတိုည်းဟာဝ်း ပေန်ခ္လဒိူန်မာ် ဂေါႇမိုႈကဲဟည်ဒဝ်ဟာဝ်း ပအရာပ်ဒီဟံရ်နီန် ကနာည်နံင်ဘိူန်းတိုည်းကဲ အ်ုန်အာဝ်ငှိူည်စိအောႏ။
ဘိူန်းအယ်နံပ် ခေဲင်ကဲအီႎိူဝ်ႈလာ်ဒါကဘေဲမ် ဒဝ်ဟာဝ်းကဲနီန် အ်ုန်တောပ်ကောန်အီမာည်း အီလူည်ႇအမှုကာမ ကောန်ကညောမ်ကဲနီန်ကာည်း ကညာဂါင်ဆနံမ် တာဆြာခေါခါႇအူအီး အ်ုန်အီဂေါည်ခေဲင်အေဲမ်ကိုက်နီန်အောႏ။
ကီုင်းအေဲမ်ကိုက်နီန်မိုႈ တံပ်ဆီုက်တအာင်း PSLF/TNLA ကဲ ထိင်ခြဲအူပ်ဘြောင်ဟာဝ်းမာ် ခေဲင်ကီုင်းအေဲမ်ကိုက်နီန် တံပ်ကိုကာင် MNDAA ကဲမာ်လီပ်ပ္လေႈတံပ်ကဲအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
