လိုည်းထိုည်း၊ ကျံရ်နိုဗဲမ်ဘာ ဆငည်း 13၊ မုံးကိုး
ဘိူန်းအယ်နံပ် တောပ်ဘည်က္လာင်း ကောန်အီပ်ုန် ကဝ်အီဂေါည်ခေဲင်အရာပ်ဒီန်အူအီးဒါႈ ဒီဘိူန်းတံပ်ကိုကာင် MNDAA ကဲတထိင်ခြဲ ကပီုန်ဆျှံမ် ကဒါႇပိူည် ခေဲင်လှံင်မူစယ် ပကီုင်းမုံးကိုးနီန် တံပ်ကိုကာင်ကဲ ချဟာဝ်းတာမ်ယံမ်း တကဲအီလူည်ႇအမှု ပျံမ်းတိုအီး 3 အီးကဲနီန် ရအာည်ႇတိုအီးကဲအောႏ။
ခည်ကျံရ်နိုဗဲမ်ဘာ ဆငည်း 11 ခီညှာကပံတ် 8 နြီဒိူန် ခေဲင်အီလူည်ႇအမှု 5 အီးနီန် 3 အီးစီ တံပ်ကိုကာင်ကဲ ချဟာဝ်းတာမ်ယံမ်း ဆာ်မိုႈ 2 အီးစီကဲချဟာဝ်း တာမ်ဇောႈကဘေဲမ် ခေဲင်ပါင်ကနိုက် ပကီုင်းမုံးကိုးနီန်အောႏ။
တိုအီးအရာပ် ကောန်အီပ်ုန်အူအီးက္လာင်းဒါႈ “ တိုအီးကဲ ဟာဝ်းတိူရ်ႈပါ်ဒိုႇ။ ကဲက္လာင်းဖါ်ႈ ဟောည်ႇဒီန်ကဲပျံမ်းဟာဝ်းပွံတ် 3 အီး။ မိုႈလိူည်အာဝ်ယိူဝ်စိ ခည်ပျံမ်းကဲ။ မို;လိူည်ယိူဝ်အေ့ ဟံမ်းဆနာတ်ကဲ”
အ်ုန်ဆီုပ်ဒါႈဘိုး ခေဲင်ကောန်အီမာည်း 2 အီး ဂါရ်အီကတူ;တာမ်ကဘေဲမ် နီန် အူအီးစီဇောႈကဘေဲမ် 14 ဆန်ုမ်၊ ဆာ်မိုႈအူအီစီ ဇောႈဟာဝ်း 10 ဆန်ုမ်အောႏ။
ဘာည်းလိူည်ဒီန် ခည်ကျံရ်ဆဲပ်တဲမ်ဘာ ဆငည်း 26 ဒိူန်မာ် MNDAA ကဲချဟာဝ်း တာမ်ယံမ်း တကဲအီလူည်,ဟာဝ်းအမှုဘြား၊ အမှုကဖါ,၊ အမှုပျံမ်းတိုအီး ကာည်း အမှုလီလာနဘာည်းနီန် 7 အီး ပတေင်နီအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
