မာည်းရူပ၊ ကျံရ်နိုႎဲမ်ဘာ ဆငည်း 9၊ အိုမ်ငျံရ်
တိုအီးခေဲင်ကီုင်းအိုမ်ငျံရ် ကဲအီႎဲႈဖေးနာန်း ဟာဝ်းဂေါည်ပလာဆေဝ် ဂေါႇယောဖေးရာန်ယာန်ပ်ုရ် တံပ်ကညာအာဏာဆီုက်ဇေဝ်ကဲနီန် ဟည်ႎီရ်ဒေဲႈခေဲင်အရာပ်ဒီဂေါည်ယာ့်အောႏ။
ကောန်အီမာည်း ကဝ်အီကဇောည်ဒဲႈ တကဲအီဒဝ်ႎဲႈဖေးနာန်းကဲနီန်အူအီး က္လာင်းတဆျှိုည်ဖီမျေဒါႈ တိုအီးဒဝ်းႎဲႈဖေးနာန်း ကဲအီဒါ့်ကီုတ် ပကီုင်းလာဆေဝ် ကဲကပံတ် 80အီးဒိူန် ဖုင်လံပ်ငိူပ်မေန်းကဲ ဟည်ဒေဲႈတိုန်းဖါ်ႈကဲ ခည်ကျံရ်နိုႎဲမ်ဘာ ဆငည်း 7ဒိူန် ကဇေန်နီး အီဒဝ်းႎဲႈဖေးနာန်း ပကီုင်းလာဆေဝ်ကဲ နံင်ကီုတ်လိူည်စရီတ်ယာ့်အောႏ။
အ်ုန်ဒါႈ “ယဲဟည်ဒါကား 11ကြောင် တာင်တိုန်းဒေဲႈ ကဲအီဒဝ်ႎဲႈဖေးနာန်းကဲနီန် 76အီးယာ့်။ ဆာ်မိုႈ ကဲအီဒဝ်ႎဲႈဖေးနာန်း ပလာဆေဝ်ဒိူန် နံင်ကီုတ်အူန်းအေ့စရီတ်”
ခေဲင်ကျံရ်အံက်တိုဘာဒိူန် ဂေါႇမိုႈတံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဟာဝ်းပ္လေ တေဲင်ကီုင်းအိုမ်ငျံရ် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – PSLF/TNLA ကဲနီန် 5လိူဝ်ႈအာဝ်ယောမ် စီပဲန်တိုအီးဂေါည်ခေဲင်ကီုင်းကဲ ယောဖါ်ႈ ဘ်ုပ်ဒဝ်ႎဲႈဟာဝ်းအောႏ။
ဂေါႇပ္လေဘျုင် ပ်ုန်ဒေဲႈပျောႈဟာဝ်း တံပ်ကညာအာဏာဆီုက်ဇေဝ်ကဲ တိုအီးဟည်ယံမ်းဟာဝ်းဖါ်ႈ 4အီး ဘာတ်ကပံတ် 10အီးအောႏ။
ဂေါႇပ္လေဘျုင် ပ်ုန်ဒေဲႈပျောႈ တံပ်ကညာအာဏာဆီုက်ဇေဝ်ကဲ တိုအီးခေဲင်အရာပ်ကဲမာ် ဘ်ုပ်ဒဝ်ႎဲႈဖါ်ႈ ပေန်ဟြဲင်အီး ဘံန်ဟောည်ႇဇံင်းဒါ့် လံပ်ကတီုက်ကပဴင် ခနားတံပ်ကညာအာဏာဆီုက်ဇေဝ်ကဲကာည်း တံပ်ဆီုက်တအာင်းကဲ အီးစီႎီရ်ဒေဲႈလာ် ခေဲင်အရာပ်ဒီဂေါည်အောႏ။
ဘိူန်းအယ်နံပ်မိုႈတ ဂေါႇပ်ုန်လီပ်ကမိုန်ဒဲႈခယ် ခနားတံပ်ကညာအာဏာဆီုက်ဇေဝ်ကဲကာည်း တံပ်ဆီုက်တအာင်းကဲ စီဆဖောလာ် ဇံင်းဒါ့် လံပ်ကတီုက်ကပဴင်နီန် ခည်ကျံရ်အံက်တိုဘာ ဆငည်း 29ဒိူန်အောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
