ရွှေဖီမြေ၊ နိုဝင်ဘာ ၆ ရက်၊ နမ့်ခမ်း
တအာင်းတပ်မတော်- PSLF/TNLA ထိန်းချုပ်ထားတဲ့ နမ့်ခမ်းမြို့မှာ သူခိုးဆီကနေ သိမ်းဆည်းရမိထားတဲ့ ဆိုင်ကယ်တွေကို မြို့နယ် တအာင်းရဲတပ်ဖွဲ့က ပိုင်ရှင်တွေထံ ပြန်လည် အပ်နှံပေးခဲ့ပါတယ်။
ပြီးခဲ့တဲ့ နိုဝင်ဘာ ၃ ရက်မှာ မြို့နယ် တအာင်းရဲတပ်ဖွဲ့က သက်ဆိုင်ရာပိုင်ရှင်တွေထံ ဆက်သွယ်ပြီးတော့ ပြန်လည် အပ်နှံပေးခဲ့တာလို့ ဒီနေ့ နိုဝင်ဘာ ၆ ရက်မှာ တအာင်းတပ်က သတင်းထုတ်ပြန်လာပါတယ်။
မြို့နယ် တအာင်းရဲတပ်ဖွဲ့ဟာ မြို့လုံခြုံရေးနဲ့ အေးချမ်းသာယာရေးလုပ်ငန်းတွေ ဆောင်ရွက်နေစဉ်အတွင်း ဆိုင်ကယ်သူခိုးတွေ ဖမ်းမိခဲ့တာလို့ ဆိုပါတယ်။
Canda ဆိုင်ကယ် ၂ စီး၊ Kenbo ၅ စီး၊ ဘတ္ထရီဘီး ၂ စီး၊ Scoopy ၁ စီး၊ CZI ၁ စီးနဲ့ Follow Me ၁ စီးကို သူခိုးတွေဆီကနေ သိမ်းဆည်းရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ပြီးခဲ့တဲ့ သြဂုတ်လမှာလည်း နမ့်ခမ်းမြို့နယ် တအာင်းရဲတပ်ဖွဲ့က သူခိုးဆီကနေ သိမ်းဆည်းရမိတဲ့ ဆိုင်ကယ်တွေကို သက်ဆိုင်ရာပိုင်ရှင်ထံ ပြန်လည်အပ်နှံပေးခဲ့ဖူးပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
