ရွှေဖီမြေ၊ အောက်တိုဘာ ၂၉ရက်
တိုက်ပွဲပြင်းထန်နေတဲ့ စစ်ကောင်စီတပ်နဲ့ တအာင်းတပ်-TNLAတပ်တို့အကြား တရုတ်ရဲ့ ကြားဝင်ညှိနှိုင်းပေးမှုကြောင့် အပစ်ရပ်သဘောတူလက်မှတ်ရေးထိုးလိုက်ကြောင်း တအာင်းတပ်ဘက်က ဒီနေ့ အောက်တိုဘာ ၂၉ရက်နေ့ရက်စွဲနဲ့ ထုတ်ပြန်ပါတယ်။
အဲဒီထုတ်ပြန်ချက်ဟာ ပြီးခဲ့တဲ့ အောက်တိုဘာ ၂၇နဲ့၂၈ရက်နေ့မှာ တရုတ်ပြည် ကူမင်းမြို့မှာ ပြုလုပ်ခဲ့တဲ့ (၉)ကြိမ်မြောက် ဆွေးနွေးပွဲကနေ အပစ်ရပ်သဘောတူလက်မှတ်ရေးထိုးတာဖြစ်ကြောင်း ထုတ်ပြန်ထားတာ ဖြစ်ပါတယ်။
အဲဒီသဘောတူညီချက်မှာ တအာင်းတပ်ဘက်က သိမ်းပိုက်ရရှိထားတဲ့ မိုးကုတ်မြို့၊မိုးမိတ်မြို့တွေကနေ တပ်တွေပြန်ဆုတ်ရမှာ ဖြစ်ပြီး စစ်ကောင်စီဘက်ကလည်း တအာင်းဒေသကို လေကြောင်းကနေ ဗုံးကြဲခြင်း၊ ထိုးစစ်ဆင်ခြင်းမပြုလုပ်ဘဲ ရောက်တဲ့နေရာကနေ အပစ်ရပ်ရမှာဖြစ်တယ်လို့ ဆိုထားပါတယ်။
အဲဒီသဘောတူညီချက်ဟာ ဒီနေ့ ၂၉ရက်နေ့မှာ စတင်အသက်ဝင်ပြိီဖြစ်ကြောင်းလည်း ထုတ်ပြန်ချက်မှာ ပါရှိထားပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
