ပို;လဘား၊ ကျံရ်အံက်တိုဘာ ဆငည်း 21၊ မာဝ်းဗံင်း
တိုအီးအရာပ်ကဲ ကောန်အီမာည်းအူအီး က္လာင်းတဖုင်ဆျှိုည်ဖီမျေဒါ; ကပီုန်ဆျှံမ်ကဒါ,ပိူည် ခေဲင်လှံင်မာဝ်းဗံင်း ခမိုရဝ်ပင်တိန် ပရဝ်ခေါက်ခနီန် ကောန်အီမာည်း ငျားဒေညဲ့မဲင် ကတူ;ဖေးဘာတ်ဟာဝ်း။
အမှိူဝ် ကျံရ်အံက်တိုဘာ ဆငည်း 20 ဇူန်အံပ်ကပံတ် 5 နြီဒိူန် ကောန်အီမာည်းဒီန် ခိင်ဟာဝ်းအ်ုန်တပလိုင်းဆဘေနီန် စီငျားလာ်ဒေညဲ့ဟာဝ်းမဲင်။
ကဲဒါ; “ လိုင်းဆဘေကဲဒီန် အာည်,နီန်ကဲအာဝ်ဟာဝ်းစိ။ အမှိူဝ်ဒိူန်ကဲစီဒါ;နံင်ဟာဝ်းလာ်;ဆဘေစီဟာဝ်း စိငျားပွံတ်ဒေညဲ့ပွံတ်ဒီဒီန် လဟာဝ်းဇိူင်အ်ုန်”။
ဘိူန်းအယ်နံပ် ကဝ်အီငျားဒေညဲ့မဲင် ကောန်အီမာည်းဒီန် အ်ုန်ဇီုဝ်ဦးကုလား ဘိူန်းအဆာက် 60 ကဇေန်နီး ရံပ်ခါမ်ဘည်ဆနံမ်း ပယုင်ဆနံမ်ဒါင်း ပျီန်အူးလူန်။
ခည်ကျံရ်အံက်တိုဘာ ဆငည်း 10 ဒိူန်မာ် တိုအီရဝ်နောင်ပြစ် ကောန်အီမာည်း အူအီးငျားဒေညဲ့ဟာဝ်းမဲင် ဇိူင်အ်ုန်ကတ်ုတ်ဟာဝ်းအူကဒါ,အော။
တောပ်ဘည်စြာင်း ပ်ုန်ကစုအူန်းဖုင်ယဲဆျှိုည်ဖီမျေ ဇူ;ဒါကျံရ်ဇံန်နဗရီ ရောတ်ကျံရ်အံက်တိုဘာ ခေဲင် 10 ကျံရ်နီန် ဂေါ,မေဲင်ပ်ုန်တီ,ခေဲင်ကတာည်း ကာည်း ပ္လေလာက်နာက်ဒါင်းနီန် တောပ်ပည်ကောန်ကညောမ် 2 အီး 11 အီး ယံမ်းဟာဝ်းဖါ်; တောပ်ပည် ကောန်ကညောမ် 6 အီး 28 အီးကတူ;ဖေးဘာတ်ဟာဝ်းအော။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
