ပို့လဘား၊ အောက်တိုဘာ ၁၇ ရက်၊ မူဆယ်
တရုတ်-မြန်မာနယ်စပ်ဖြစ်တဲ့ ရှမ်းမြောက် မူဆယ်မြို့မှာ ဖမ်းဆီးထားတဲ့ ကျားဖျန်လုပ်ကိုင်သူ မြန်မာနိုင်ငံသား ၄၀၀ကျော်ပြန်လွှတ်ပေးခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။
မူဆယ်မြို့ ဟိုနားရပ်ကွက်မှာရှိတဲ့ ခရိုင်ဆေးရုံဘက်မှာ ဖမ်းဆီးထိန်းသိမ်းထားတဲ့ ကျားဖျန်တွေကို မနေ့ အောက်တိုဘာလ ၁၆ ရက် မနက်၁၀ နာရီဝန်းကျင်မှာ စစ်ကောင်စီတပ်က ပြန်လွှတ်ပေးခဲ့တာ ဖြစ်တယ်လို့ ဆိုပါတယ်။
“အရင်က ဖမ်းထားတဲ့ ကျားဖျန်တွေကို ထောင်ကနေ ပြန်လွှတ်ပေးနေပြီ။ဘာကြောင့် လွှတ်ပေးလည်းတော့ မသိရဘူး။ မြန်မာနိုင်ငံသားတွေဘဲ လွှတ်ပေးတာ။ နိုင်ငံရေးအပြောင်းအလဲကြောင့်လည်း ပါမယ်ထင်တယ်။ မိုးလည်းရွာနေတာ သူတို့ကိုလွတ်တာနဲ့ သူတို့အမျိုးတွေ သူတို့ကိုလာကြိုနေကြတာ။ တော်တော်များများက ရွာဘက်ကလူတွေပဲ။ ၁၉ ရွာဘက်ကလည်း လူတွေလည်းပါတယ်” လို့ ဒေသခံအမျိုးသားတစ်ဦးက ပြောပါတယ်။
အဲဒီစစ်ကောင်စီတပ် ပြန်လွှတ်ပေးတဲ့ကျားဖျန် ၄၀၀ ကျော်ထဲမှာအမျိုးသမီးတွေ အများဆုံးဖြစ်တယ်လို့ အဆိုပါ အမျိုးသားက ပြောပါတယ်။
တရုတ်ဖိအားကြောင့် စစ်ကောင်စီတပ်ဟာ မူဆယ်မြို့မှာရှိတဲ့ ကျားဖျန်လုပ်ကိုင်သူတွေကို မကြာခဏ ဝင်ရောက်ဖမ်းဆီးမှုတွေ လုပ်ခဍပတယ်လို့ ဆိုပါတယ်။
ပြီးခဲ့တဲ့ ဇူလိုင် ၃၁ ရက်မှာလည်း မူဆယ်မြို့မှာ ကျားဖျန်လုပ်ကိုင်သူ တရုတ်နိုင်ငံသား ၂၅၆ ဦးကိုလည်း စစ်ကောင်စီက တရုတ်ထံ လွှဲပြောင်းပေးခဲ့တာ ဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
