ရွှေဖီမြေ၊ အောက်တိုဘာ ၈ရက်
ဒီနေ့ အောက်တိုဘာ ၈ရက် မနက်ပိုင်း ၁၁နာရီဝန်းကျင်မှာ PSLF/TNLAထိန်းချုပ်ထားတဲ့ မိုင်းငေါ့မြို့ကို ပေါင် ၂၅၀ဗုံးကြဲချတိုက်ခိုက်ခဲ့တယ်လို့ ရွှေဖီမြေက စုံစမ်းသိရပါတယ်။
အဲဒီတိုက်ခိုက်မှုကြောင့် အရပ်သား ၂ဦးသေဆုံးပြီး ၂ဦးဒဏ်ရာရကာ နေအိမ် ၈လုံးထက်မနည်း ထိခိုက်ပျက်စီးသွားခဲ့တယ်လို့ သိရပါတယ်။
“ရဲစခန်းအကျော် တာလုံရပ်ကွက်ထဲကိုကျတာ။ ပေါင် ၂၅၀ ၂လုံးပစ်ပြီးတော့ ရော့ကဒ်ဒုံးနဲ့ ၄လုံးလောက်ထပ်ပစ်သွားတယ်။ သေတာက လင်မယားတွေပါ။ သူတွေကတော့ တစ်စစီဖြစ်ကုန်ပြီ”လို့ ဆိုပါတယ်။
စစ်ကောင်စီတပ်ဟာ မနေ့ အောက်တိုဘာ ၇ရက်နေ့မှာလည်း မိုင်းလုံမြို့နယ်ထဲက မယ်ဟုန်းရွာကို ဗုံးကြဲတိုက်ခိုက်ပြီး ကလေးငယ်တွေအပါအဝင် ၁၀ဦးထက်မနည်း သေဆုံးသွားခဲ့ပါတယ်။
ဒါ့အပြင် ကျောက်မဲ၊သီပေါ၊နမ္မတူ၊နမ့်ဆန်နဲ့မန်တုံမြို့တွေကိုလည်း ရက်ခြား ဗုံးကြဲတိုက်ခိုက်နေပြီး အဲဒီဗုံးကြဲမှုကြောင့် လူသေဆုံးမှုတွေလည်း အများအပြားရှိခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
