မာည်းရူပ၊ ကျံရ်ဆဲတဲမ်ဘာ ဆငည်း 29၊ မာဝ်းႎံင်း
ဘိူန်းအယ်နံပ် တံပ်ကညာအာဏာဆီုက်ဇေဝ် ကဲအီထိုးလီပ်ဒေဲႈ ကနာည်နံင်ဘိူန်း ကီုင်းမာဝ်းႎံင်းနီန် ကဲ ဒါယာန်ပ်ုရ် Y 12 ပျောႈဟာဝ်းဘျုင် ခေဲင်ရဝ်နမ့်စော့ လလူလှဲဝ်ႏဟာဝ်း ကျောင်စဝ် ကာည်း ဂါင်ဂေါည်ပေန်ခ္လအောႏ။
ခည်ကျံရ်ဆဲပ်တဲမ်ဘာ ဆငည်း 27 ဘံန်ဆံန်ဒိူန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ခေဲင်ခမိုမိုင်းတင်း ရဝ်နမ့်စောနီန်အောႏ။
ကဝ်အီနံပ် ဘည်ခူရ်က္လာည်းနီန်အူအီး က္လာင်းတဖုင်ဆျှိုည်ဖီမျေဒါႈ“ အမှိူဝ်ဒိူန် ကဲဒါ Y – 12 ပျောႈဟာဝ်းဘျုင်ကဒါႇရဝ်နမ့်စော။ ပ္လေါည်ကတီုက်ကပဴင်နီန် ဂီုည်တဒုန်းဒုန်းလိူည်။ ခီညှာဒိူန်စီ ကဲဒါယာန်ပ်ုရ် ပျောႈဟာဝ်း ကဒါႇစခန်းသာ”
ဘိူန်းအယ်နံပ် ဂေါႇဘည်ပျောႈဟာဝ်းကဲတဘျုင်နီန် လလူလှဲဝ်ႏဟာဝ်း ကျောင်ဝစ် ကာည်း ဂါင်ဂေါည်ပေန်ခ္လအောႏ။
ကဝ်အီဂေါည်ခေဲင်ပ္လေါည်ကတီုက်ပဴင်ကဲ က္လာင်းဒါႈ တံပ်ကညာအာဏာဆီုက်ဇေဝ်ကဲ ဟည်ဘယ်ဒေထိင်ဟာဝ်း ရဝ်စခန်းသာ အ်ုန်အီဂေါည်ခေဲင်ကီုင်း မာဝ်းႎံင်းနီန် ဟည်ကကာ်ႈဘိုး ဆီုက်ငါးကဲ ထိုးဟာဝ်းခေဲင်ကီုင်းမာဝ်းႎံင်းနီန်အောႏ။
ဂေါႇဘည်ထိုး ဆီုက်ငါး တံပ်ကညာအာဏာဆီုက်ဇေဝ်ကဲ ခေဲင်လှံင်မာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ကာည်း တံပ်ဆီုက်တအာင်း TNLA ကဲ ပဲန်ကရဲင်ဟာဝ်း ပ္လေါည်ကတီုက်ကပဴင်နီန် ဟည်ဘိူန်း 1 ကျံရ်လေႈ ကဒါႇတံပ်တအာင်းကဲမာ် ဂီုည်ဆီုပ်တီုက်ဟာဝ်းအူန်း ကနာည်နံင်အာဝ်ဇောႈ ကီုင်းမာဝ်းႎံင်းနီန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
