မာည်းရူပ၊ ကျံရ်ဆဲပ်တဲမ်ဘာ ဆငည်း 25၊ မာဝ်းႎံင်း
ဘိူန်းအယ်နံပ် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဂျက်ဖိုက်တာ ဟည်ပျောႈဟာဝ်းဘိုးဘျုင် ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲပ ကပီုန်ဆျှံမ် ကဒါႇပိူည် ခေဲင်လှံင်မာဝ်းႎံင်း ခမိုမိုင်းတင်း ပကျောင်စဝ် ရဝ်ပင်တီးနီန်အောႏ။
အမှိူဝ် ကျံရ်ဆဲပ်တဲမ်ဘာ ဆငည်း 24 ဘံန်ဆံန် ကပံတ် 1 နြီဒိူန် ကဲပျောႈဟာဝ်းဘျုင်နီန် ပရဝ်ပင်တီး ကျောင်စဝ်မာ် လူလှဲဝ်ႏဟာဝ်းအောႏ။
ကဝ်အီဂါည်ခေဲင်ပ္လေါည်ကတီုက်ကပဴင်နီန်အူအီး က္လာင်းတဖုင်ဆျှိုည်ဖီမျေဒါႈ တံပ်ကညာအာဏာဆီုက်ဇေဝ် ကာည်း TNLA ကဲ ပဲန်ကရဲင်ပ္လေါည်ကတီုက်ကပဴင် ရီမ်းပြော ရဝ်နားအိုက်ခန့် အ်ုန်အီကဒိုင်းတောပ် ကီုင်းမာဝ်းႎံင်းနီန် 10 မဲင်ႏ။
“ကပံတ် 1 နြီဒိူန် ကဲဒါဂျက်ဒေဲႈပျောႈဟာဝ်း ခေဲင်ရဝ်ပင်တီးနီန်။ ဘည်ခူရ်က္လာည်း ပ္လေါည်ကတီုက်ကပဴင်နီန် အ်ုန်ဂီုည်ရောတ်လိူည် ရီမ်းပြောနားအိုက်ခန့်။ ကဒါႇတံပ်ကညာအာဏာဆီုက်ဇေဝ်ကဲ အာဝ်ဘယ်စီ ထိုးကစံပ်”
ဂေါႇဘည်ထိုး ဆီုက်ငါး တံပ်ကညာအာဏာဆီုက်ဇေဝ်ကဲ ခေဲင်လှံင်မာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ကာည်း တံပ်ဆီုက်တအာင်း TNLA ကဲ ပဲန်ကရဲင်ဟာဝ်း ပ္လေါည်ကတီုက်ကပဴင်နီန် ဟည်ဘိူန်း 1 ကျံရ်လေႈ ကဒါႇတံပ်တအာင်းကဲမာ် ဂီုည်ဆီုပ်တီုက်ဟာဝ်းအူန်း ကနာည်နှာင်ကီုင်းမာဝ်းႎံင်းနီန် အာဝ်ဇောႈဟာဝ်းအောႏ။
အူကဒါႇမာ် ဆဒါင်ဂီုည်လေႈဒေဲႈဒါႈမိုး ခေဲင်ပ္လေါည်ကတီုက်ကပဴင် ပမာဝ်းႎံင်းနီန် ဂေါႇမိုႈတံပ်ကညာအာဏာဆီုက်ဇေဝ်ကဲ တိူဝ်လယံမ်း ဂီုန်းဇာဝ်း စီပဲန်တံပ်ကညာအာဏာဆီုက်ဇေဝ်ကဲ ပ္လိုတ်ဖါ်ႈဘ္လံက်ချှံန် တားဖုင်လံပ်တီုက်နာန်း စနဲ 2 အ်ုန်အီမိုႈ တာမ်ခူန်အွံရ်ဒါင်း နိုင်နိုင်ဦးနီန် စီတိုန်းဟာဝ်းအ်ုန် တတံပ်နာန်းကဇောည်ကဲအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
