မာည်းရူပ၊ ကျံရ်ဆဲပ်တဲမ်ဘာ ဆငည်း 6၊ မာဝ်းႎံင်း
ဘိူန်းအယ်နံပ် ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲ ပလှံင်မာဝ်းႎင်း ခမိုနားအိုက်ခန့် ပရဝ်မက်မန်းကုန်းသာနီန် ဂေါႇပ္လေလာက်နာက်ဒါင်း တံပ်ကညာအာဏာဆီုက်ဇေဝ်ကဲ အူပီးအူမေန် 2 အီးယံမ်းဟာဝ်းအောႏ။
ခည်ကျံရ်ဆဲပ်တဲမ်ဘာ ဆငည်း 4 ခီဆိူမ် ကပံတ် 10 နြီဒိူန် တံပ်ကညာအာဏာဆီုက်ဇေဝ်ကဲ ပဴင်ဟာဝ်းပ္လေလာက်နာက်ဒါင်း ခေဲင်ရဝ်မက်မန်းကုန်းသာနီန် လယံမ်းဟာဝ်း ဦးဝါယမ အဆာက် 40 ကာည်း ဒေါ်လှခင်နီန်အောႏ။
တိုအီးရဝ်မက်မန်းကုန်အူအီး က္လာင်းတဖုင်ဆျှိုည်ဖီမျေဒါႈ “ အာည်ႇနီန်ကဲဒဝ်။ ကဲစီဒေဲႈတိူဝ်ႈပ်ုန်ဟောမ်ဒီႈ။ ကဲစီဒါႈ အ်ုန်ရာမ်ယေန် စီအီတ်ပဂါင်။ ခိင်ဒီန်လာက်နာက်ဒါင်း ဟည်ဇောႈလဖါ်ႈဂါရ်စီယံမ်းဟာဝ်း။ ကောန်ဂါရ်စီလေတ်ဟာဝ်း”။
ရဝ်မက်မန်းကုန်းသာနီန် အ်ုန်ဂေါည်ရီမ်းပြော ရဝ်နောင်ပိန် ဒီပဲန်တံပ်ဆီုက်တအာင်း TNLA ကာည်း တံပ်ကညာအာဏာဆီုက်ဇေဝ်ကဲတ ပ္လေါည်ကတီုက်ကပဴင်နီန် တိုအီးရဝ်ကဲမာ် ဟည်ဒဝ်ဒိုည်ႇအောႏ။
ကဲအီဂေါည်ခေဲင်ပ္လေါည်ကတီုက်ကပဴင် က္လာင်းဒါႈ တံပ်ကညာအာဏာဆီုက်ဇေဝ် ကာည်း TNLA ကဲ ဂီုည်ပဲန်ကရဲင်အူန်း ပ္လေါည်ကတီုက်ကပဴင် ပရဝ်နောင်ပိန် ကာည်း ရဝ်ပင်တိန်နီန် ကဒါႇတံပ်ကညာအာဏာဆီုက်ဇေဝ်ကဲမာ် ဂီုည်ဒါဘျုင်တောပ်ကော်င်အောႏ။
ပရဝ်နောင်ပိန်နီန် တံပ်ကညာအာဏာဆီုက်ဇေဝ် ကာည်း TNLA ကဲ ပဲန်ပ္လေါည်ကတီုက်ကပဴင် ဟည်လှေင်ကပံတ် 3 နှား တိုအီးအရာပ်ကဲမာ် ဒဝ်ဟာဝ်းဒိုည်ႇဒီလောတ်ဖေးရာန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
