မြတ်နိုး၊ ဇူလိုင် ၈
ကချင်ပြည်နယ်၊ ရွှေကူမြို့နယ်ရှိ ရေလှဲဆိပ်မှာ ပြီးခဲ့တဲ့ ဇူလိုင်လ ၄ ရက်နေ့က ဗန်းမော်က စစ်ရှောင်ကျောင်းသားတစ်ဦး ရေချိုးရင်း ပျောက်ဆုံးသွားပြီး ရှာမတွေ့သေးကြောင်း မိသားစုနဲ့ နီးစပ်သူ တွေဆီက သိရပါတယ်။
“ရေလှဲဆိပ်မှာ ရေချိုးရင်း ပျောက်ဆုံးသွားတာပါ။ ကျမတို့ မင်္ဂလာကျောင်းမှာ နေပါတယ်။ မတွေ့သေးပါဘး။ ခုထိ ရှာနေတုန်းပါ” လို့ မိသားစု နဲ့ နီးစပ်သူ အမျိုးသမီး တစ်ဦးက ပြောပါတယ်။
ပျောက်ဆုံးသွားသူဟာ အသက် ၁၆ နှစ်အရွယ် မောင်မျိုးမင်းခန့် ဖြစ်ပြီး ကျောင်းသားဖြစ်ကာ ဇူလိုင်လ ၄ ရက်နေ့ စနေနေ့က ရေလှဲဆိပ်မှာ ရေချိုးရင်း ပျောက်သွားခဲ့တာဖြစ်တယ်လို့ သူက ပြောပါတယ်။
အဲဒီ ကျောင်းသားဟာ တစ်ဦးတည်းသော သားဖြစ်ပြီး လက်ရှိမှာ အဲဒီကလေးကို ရှာဖွေတွေ့ရှိဖို့ အကူအညီတွေလည်း လိုအပ်နေတယ်လို့ ဆိုပါတယ်။
“မတွေ့သေးဘူး။ သူ့အမေ နဲ့ ရေချိုးအတူလာတာ။၊ အမေက အထက်ဘက်မှာ ချိုးတာ။ သားက အောက်နားမှာ ချိုးတာ”လို့ ဒေသခံ အမျိုးသမီး တစ်ဦးကလည်း ပြောပါတယ်။
အဲဒီနေရာမှာတော့ ရွှေမြေဇာတွေ ဘက်ဖိုးနဲ့ တင်ထားတဲ့ မြေအငှားတွေရှိကာ ပြန့်ဖြစ်နေပြီး အောက်ဘက်မှာတော့ အနက်ကြီး ဖြစ်တယ်လို့ သူက ပြောပါတယ်။
အဲဒီ ရေလှဲဆိပ်ကမ်း ဧရာဝတီမြစ်ကမ်းဘေးမှာ ရှိပြီး သွားလာရေး အချက်အချာကျတဲ့ ဒေသ ဖြစ်ပေမယ့် လက်ရှိမှာ စစ်ရေးပဋိပက္ခတွေနဲ့ မကြာခဏဆိုသလို ရေကြီးရေလျှံမှုတွေ ဖြစ်ပွားလေ့ရတဲ့ နေရာတစ်ခု ဖြစ်တယ်လို့ ဒေသခံ တွေဆီက သိရပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
