ရွှေဖီမြေ၊ မေလ ၂၃ ရက်၊ ရွှေကျင်
ကရင်အမျိုးသားအစည်းအရုံး- KNU ကော်သူးလေအုပ်ချုပ်မှုနယ်မြေ ညောင်လေးပင်ခရိုင် ဆောထိ (ရွှေကျင်)မြို့နယ်မှာ စစ်ကောင်စီတပ်ရဲ့ လက်နက်ကြီး ပစ်ခတ်မှုကြောင့် ဒေသခံ ၁ ဦး သေဆုံးပြီး မြေမြှုပ်မိုင်းကြောင့် ၁ ဦး ဒဏ်ရာ ရခဲ့တယ်လို့ KNU က ဒီနေ့ မေလ ၂၃ ရက်မှာ ထုတ်ပြန်လာပါတယ်။
ပြီးခဲ့တဲ့ မေလ ၁၆ ရက်က အင်္ဂနီရွာထဲ စစ်တပ် ထောင်ခဲ့တဲ့ မြေမြှုပ်မိုင်းကို အသက် ၁၃ နှစ်အရွယ် မောင်ရဲမင်းထွန်းဆိုသူက နင်းမိပြီး ထိခိုက်ဒဏ်ရာ ရခဲ့တယ်လို့ ထုတ်ပြန်ချက်ထဲ ဖော်ပြထားပါတယ်။
မေလ ၁၂ ရက်မှာ နတ်သံကွင်းရှိ စစ်တပ်က ပစ်ခတ်တဲ့ ၁၂၀ မမ လက်နက်ကြီး ၁ လုံး တောကြောင်ပေါက်ရွာထဲ ကျရောက်ပေါက်ကွဲခဲ့တာကြောင့် အသက် ၇၅ နှစ်အရွယ် စောလှမောင်ကြီးဆိုသူ ထိမှန်သေဆုံးခဲ့တယ်လို့ ဆိုပါတယ်။
အလားတူ မေလ ၁၂ ရက်မှာ တုံးတံတားရှိ စစ်တပ်က မအူပင်ရွာထဲ ဒရုန်းနဲ့ ဗုံးကြဲတိုက်ခိုက်ခဲ့တာကြောင့် နေအိမ် ၁ လုံး ထိမှန်ပျက်စီးခဲ့တယ်လို့ ဖော်ပြထားပါတယ်။
အဲဒီမေလ ၂၁ ရက် ညနေ ၆ နာရီခွဲဝန်းကျင်မှာပဲ စစ်တပ်က ထုံတော်ရွာအတွင်းကနေ ကျွဲထိန်းကုန်းရွာဘက် လက်နက်ကြီးနဲ့ ပစ်ခတ်ခဲ့တာကြောင့် အရပ်သား ၁ ဦး သေဆုံးပြီး အသက် ၅ နှစ်အရွယ် ကလေးတစ်အပါအဝင် ၂ ဦး ထိမှန်ဒဏ်ရာ ရခဲ့တယ်လို့ ဆိုပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
