Falam

ချင်းပြည်နယ်၊ ဖလမ်းမြို့နယ်၊ ရိဒ်ခေါဒါရ်မြို့ တိုက်ပွဲတွင်း အိန္ဒိယနိုင်ငံ၊ မီဇိုရမ်ပြည်နယ်ဘက် သေနတ်ကျည်ဆန်တွေ ကျရောက်ပါက ချင်းစစ်ဘေးရှောင်တွေကို နှင်ထုတ်သွားမယ်လို့ ဒေသတွင်းအာဏာပိုင်တွေက သတိပေးလိုက်ပါတယ်။

ချင်းပြည်နယ် ဖလမ်း မြို့သိမ်းတိုက်ပွဲမှာ ခြေလက်ဆုံးရှုံးသွားတဲ့ ရဲဘော်တွေကို ခြေတုလက်တု တပ်ဆင်ပေးနိုင်ဖို့ ငွေကြေးအကူအညီ လိုအပ်နေကြောင်း ချင်းအမျိုးသား ကာကွယ်ရေးတပ်ဖွဲ့- CNO/ CNDF ရဲ့ ပြောရေးဆိုခွင့်ရှိသူ ဆလိုင်း တင်မီထွဋ်က ရွှေဖီမြေကို ပြောပါတယ်။

ချင်းပြည်နယ် ဖလမ်းမြို့သိမ်း တိုက်ပွဲအတွင်း ဖမ်းဆီးရမိတဲ့ စစ်သုံ့ပန်း ၃၁၆ ဦးကို စစ်သုံ့ပန်း ဥပဒေနဲ့ အညီ ကောင်းမွန်စွာ ထိန်းသိမ်းထားပြီး ကျန်းမာရေး ကုသမှုတွေ လုပ်ဆောင်ပေးနေတာတွေ ရှိတယ်လို့ ချင်းအမျိုးသားအဖွဲ့ချုပ် (CNO/CNDF) ရဲ့ပြောရေးဆိုခွင့်ရှိသူ ဆလိုင်းတင်မီထွဋ်က ရွှေဖီမြေကို ပြောပါတယ်။

ချင်းတော်လှန်ရေးတပ်ဖွဲ့ ထိန်းချုပ်ထားတဲ့ ချင်းပြည်နယ်၊ ဖလမ်းမြို့နယ်၊ ဝေဘူလမြို့ကို စစ်ကောင်စီက လေကြောင်း ဗုံးကြဲတိုက်ခိုက်လို့ အရပ်သား ၆ ဦးထက်မနည်း ထိခိုက်ဒဏ်ရာရရှိခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။

ချင်းညီနောင်- CB နဲ့ မဟာမိတ် ပူးပေါင်းတပ်ဖွဲ့က ၅ လကြာ ထိုးစစ် ဆင်ခဲ့ရတဲ့ ချင်းပြည်နယ် ဖလမ်းမြို့သိမ်း စစ်ဆင်ရေးအတွင်း တော်လှန်ရေး ပူးပေါင်းတပ်ဖွဲ့ဘက်က ရဲဘော် ရဲမေ ၈၉ ဦး ကျဆုံးခဲ့ပါတယ်။

ချင်းပြည်နယ် ဖလမ်းမြို့ကို အာရက္ခတပ်တော်- AA ရဲ့ လက်နက်ခဲယမ်းနဲ့ စစ်ရေးဆိုင်ရာ အကြံဉာဏ် ပံ့ပိုးမှုကြောင့် သိမ်းပိုက်ရရှိခဲ့တယ်လို့ ချင်းညီနောင်က ဒီနေ့ ဧပြီ ၉ ရက်မှာ သတင်းထုတ်ပြန်လာပါတယ်။

ချင်းပြည်နယ်၊ ဖလမ်းမြို့တစ်ခုလုံးကို ချင်းညီနောင် ပူးပေါင်းအဖွဲ့က ဒီနေ့ ဧပြီလ ၇ရက်နေ့ မနက်မှာ သိမ်းပိုက်ရရှိထားပြီဖြစ်တယ်လို့ ရှေ့တန်းစစ်ရေးသတင်းအရင်းအမြစ်ဆီက သိရပါတယ်။

ချင်းပြည်နယ်၊ ဖလမ်းမြို့သိမ်းတိုက်ပွဲမှာ စစ်ကောင်စီတပ်ရဲ့ တပ်ရင်းမှူး ဒုဗိုလ်မှူးကြီး သေဆုံးခဲ့တယ်လို့ ရှေ့တန်းစစ်ရေးသတင်းရင်းမြစ်တွေဆီက သိရပါတယ်။

တိုက်ပွဲပြင်းထန်နေတဲ့ ချင်းပြည်နယ်၊ ဖလမ်းမြို့နယ်၊ တလန်ဇာန်ကျေးရွာကို စစ်ကောင်စီတပ်က လေကြောင်း ဗုံးကြဲတိုက်ခိုက်လို့ ဘုရားကျောင်းအပါအဝင် လူနေအိမ် ၆ လုံး ပျက်စီးသွားတယ်လို့ ဒေသခံတွေဆီက သိရပါတယ်။