The Latest

ထီးလင်းမြို့နယ်ထဲ စစ်ကောင်စီတပ် ဗုံးကြဲလို့ ဒေသခံ ၂ ဦး သေဆုံး

မကွေးတိုင်း ထီးလင်းမြို့နယ်ထဲ စစ်ကောင်စီတပ်က ဗုံးကြဲတိုက်ခိုက်လို့ ဒေသခံ ၂ ဦး သေဆုံးခဲ့ပြီး ၂ ဦး ထိခိုက်ဒဏ်ရာ ရရှိခဲ့တယ်လို့ ယောအလင်းတန်း ကိုအောင်ကြီးက ရွှေဖီမြေကို ပြောပါတယ်။

ကျောက်မဲမြို့နယ်ထဲ စစ်ကောင်စီတပ်နဲ့ SSPP တိုက်ပွဲဖြစ်

ရှမ်းမြောက် ကျောက်မဲမြို့နယ် ပုံဝိုးကျေးရွာအုပ်စု ပုံဝိုးနဲ့ ကွမ်ဟင်ရွာအနီး စစ်ကောင်စီတပ်နဲ့ ရှမ်းပြည်တိုးတက်ရေးပါတီ- SSPP တို့အကြား တိုက်ပွဲ ဖြစ်ပွားခဲ့တယ်လို့ SSPP ဘက်က ထုတ်ပြန်လာပါတယ်။

လယ်မူလားမြို့နယ်မှာ စစ်ကောင်စီတပ် ဗုံး ထပ်ကြဲလို့ ကလေး ၁ ဦးအပါအဝင် ၄ ဦး သေဆုံးပြီး ၁၂ ဦး ဒဏ်ရာရ

ကရင်အမျိုးသားအစည်းအရုံး- KNU ထိန်းချုပ်ထားတဲ့ တနင်္သာရီတိုင်း မြိတ်ထားဝယ်ခရိုင် လယ်မူလားမြို့နယ် တကူရွာကို စစ်ကောင်စီတပ်က ဗုံးကြဲတိုက်ခိုက်လို့ ကလေး ၁ ဦးအပါအဝင် ၄ ဦး သေဆုံးပြီး ၁၂ ဦး ထိခိုက်ဒဏ်ရာ ရရှိခဲ့တယ်လို့ KNU က ထုတ်ပြန်ထားပါတယ်။

စစ်ကောင်စီတပ်ရဲ့ ထိုးစစ် တကောင်းမြို့နဲ့ ၂ မိုင်ခန့်အကွာ ရောက်ရှိလာ၊ မြို့လက်မလွှတ်ရရေး တော်လှန်ရေးတပ်တွေဘက်က အပြင်းအထန် ခုခံနေ

တော်လှန်ရေးတပ်တွေ ထိန်းချုပ်ထားတဲ့ မန္တလေးတိုင်း သပိတ်ကျင်းမြို့နယ် တကောင်းမြို့ကို ထိုးစစ်ဆင် တိုက်ခိုက်နေတဲ့ စစ်ကောင်စီတပ်ဟာ မြို့နဲ့ နှစ်မိုင်ခန့်အကွာ ရောက်ရှိလာတယ်လို့ မြေပြင်တော်လှန်ရေးတပ်တွေက ပြောပါတယ်။

ဒွယ်လိုးမြို့နယ်ထဲ ‌လေကြောင်းကနေ ပေါင် ၅၀၀ ဗုံး ၂ လုံး ကြဲချတိုက်ခိုက်လို့ အရပ်သား ၂ ဦး သေဆုံး

ကရင်ပြည်နယ် ဒွယ်လိုးမြို့နယ်ထဲ စစ်ကောင်စီတပ်က လေကြောင်းကနေ ဗုံးကြဲချတိုက်ခိုက်လို့ အရပ်သား ၂ ဦး သေဆုံးခဲ့တယ်လို့ ‌ဒေသခံအမျိုးသမီးတစ်ဦးက ရွှေဖီမြေကို ပြောပါတယ်။

မင်းကွန်းမြို့နယ်ထဲက ကျေးရွာတွေကို တိုက်ပွဲ မရှိဘဲ စစ်ကောင်စီတပ် မီးရှို့ဖျက်ဆီး

ဧရာဝတီမြစ်တစ်ဖက်ကမ်း မင်းကွန်းဒေသက ကျေးရွာတချို့ကို တိုက်ပွဲ ဖြစ်ပွားမှု မရှိဘဲ စစ်ကောင်စီတပ်က မီးရှို့ဖျက်ဆီးနေတယ်လို့ ဒေသခံတွေက ပြောပါတယ်။

ဇီးပင်ကြီးအနီးရှိ စစ်ကောင်စီတပ်ရဲ့ စစ်ဆေးရေးဂိတ်အနီးမှာ ခရီးသည် ၂ ဦး မိုင်းနင်းမိ

မန္တလေးတိုင်း ပြင်ဦးလွင်မြို့နယ် ဇီးပင်ကြီးရွာရှိ စစ်ကောင်စီတပ်ရဲ့ စစ်ဆေးရေးဂိတ်အနီးမှာ ခရီးသည် အမျိုးသမီး ၂ ဦး မိုင်းနင်းမိခဲ့ကြောင်း မြေပြင်ရှိ အမျိုးသားတစ်ဦးရဲ့ ပြောပြချက်အရ သိရပါတယ်။

ဂွမြို့နယ်မှာ မပေါက်ကွဲသေးတဲ့ RPG ဗုံးသီး ၁ လုံး ယူဆော့မိလို့ ပေါက်ကွဲပြီး ကလေးငယ် ‌၁ ဦး သေဆုံး

ရခိုင်ပြည်နယ် ဂွမြို့နယ်မှာ မပေါက်ကွဲသေးတဲ့ RPG ဗုံးသီး ၁ လုံးကို ယူဆော့မိတဲ့ ကလေးငယ် ၃ ဦးထဲမှ ၁ ဦး သေဆုံးခဲ့ပြီး ၂ ဦး ဒဏ်ရာ ရရှိခဲ့တယ်လို့ ဖြစ်စဉ်သိရှိသူ အမျိုးသားတစ်ဦးက ရွှေဖီမြေကို ပြောပါတယ်။

မူဆယ်က စူပါမားကတ်ပိုင်ရှင် အမျိုးသမီးကို ပြန်ပေးဆွဲခဲ့တဲ့ အမျိုးသား ၃ ဦးကို ဖမ်းမိ၊ မူဆယ်မှာ ပြန်ပေးဆွဲမှု ဆက်တိုက်ဖြစ်နေ

စစ်ကောင်စီတပ် ထိန်းချုပ်ထားတဲ့ တရုတ်-မြန်မာနယ်စပ် မူဆယ်မြို့ ကောင်းမူလွယ်ရပ်ကွက်ရှိ စူပါမားကတ်ဆိုင်ရှင် အမျိုးသမီးတစ်ဦးကို ပြန်ပေးဆွဲသွားတဲ့ အမျိုးသား ၃ ဦးကို ဖမ်းမိခဲ့တယ်လို့ ဒေသခံတွေဆီက သိရပါတယ်။

တအာင်းတပ်ထိန်းချုပ်ဒေသသို့ ကိုးကန့်တပ်ရဲ့ ကုန်အားလုံးပိတ်ဆို့ကန့်သတ်မှု ဘယ်သူ့ကို ဦးတည်နေသလဲ

ပြီးခဲ့တဲ့ ဇန်နဝါရီ ၁၃ရက်နေ့ ညပိုင်းက ကွတ်ခိုင်မြို့မှာ စတင်ဖြစ်ပွားခဲ့တဲ့ တအာင်းတပ်နဲ့ကိုးကန့်တပ်တို့အကြား ပဋိပက္ခဟာ ၁လနီးပါးကြာလာတဲ့အထိ ပြေလည်မှုမရသေးဘဲ အပြန်အလှန်ကန့်သတ်မှုနဲ့ ဖိအားပေးနေကြဆဲဖြစ်ပါတယ်။