The Latest
ရှမ်းလက်နက်ကိုင်တွေက ရှမ်းလူထုကို ထိရောက်တဲ့ ကာကွယ်မှု မပေးနိုင်ဘူးလို့ ရှမ်းလူငယ်တွေ ထောက်ပြ
ရှမ်းလက်နက်ကိုင် အဖွဲ့အစည်းတွေဟာ ရှမ်းလူထုတွေရဲ့ တန်းတူရေး၊ ကိုယ်ပိုင်ပြဌာန်းခွင့်နဲ့ လူမှုဘဝလုံခြုံရေးကို ကာကွယ်ပေးတဲ့ အဖွဲ့အစည်း ဖြစ်ပေမဲ့ ရှမ်းလူထုတွေကို ထိရောက်တဲ့ ကာကွယ်ပေးမှု ပေးနိုင်ခြင်း မရှိဘူးလို့ ဒီနေ့ မတ်လ ၁ ရက်မှာ ကျရောက်တဲ့ ရှမ်းလူငယ်နေ့မှာ ထုတ်ပြန်လာပါတယ်။
အရာတော်မြို့နယ် တောင်ပိုင်းကို လေကြောင်းကနေ ဗုံးကြဲတိုက်ခိုက်လို့ ခရီးသွား ၂ ဦး သေဆုံးပြီး ၁ ဦး ဒဏ်ရာရ
စစ်ကိုင်းတိုင်း အရာတော်မြို့နယ်တောင်ပိုင်းကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်လို့ ခရီးသွား ၂ ဦး သေဆုံးပြီး ၁ ဦး ဒဏ်ရာ ရရှိခဲ့တယ်လို့ အရာတော်မြို့နယ် Local အဖွဲ့အစည်းရဲ့ သတင်းနဲ့ပြန်ကြားရေး တာဝန်ခံ ကိုအောင်စည်က ရွှေဖီမြေကို ပြောပါတယ်။
လားရှိူးမှာ စစ်ကောင်စီနဲ့ ကိုးကန့်တပ်တို့ ထပ်မံတွေဆုံပြီးနောက် စစ်သုံ့ပန်း ၂၀၀ ကျော်ကို ကိုးကန့်တပ် ထပ်မံလွှတ်ပေး
ရှမ်းမြောက် လားရှိုးမြို့မှာ စစ်ကောင်စီနဲ့ ကိုးကန့်တပ်မတော်-MNDAA တို့အကြား ထပ်မံတွေဆုံပြီးနောက် စစ်သုံ့ပန်း ၂၀၀ ကျော်ကို ကိုးကန့်တပ်က ပြန်လွှတ်ပေးခဲ့တယ်လို့ လားရှိုးမြို့ခံတွေက ရွှေဖီမြေကို ပြောပါတယ်။
လက်ဖက်မြေ နိုင်ငံရေးကျောင်းဆင်းထားသူတွေ တအာင်းအရပ်ဖက်အဖွဲ့အစည်းနဲ့ ဌာနဆိုင်ရာတွေမှာ အလုပ်သင် ဝင်ရောက်နေ
လက်ဖက်မြေ ပညာရေးဖောင်ဒေးရှင်း- TLEF က ဦးစီးဖွင့်လှစ်တဲ့ အပတ်စဉ်(၃) လက်ဖက်မြေ နိုင်ငံရေး သိပ္ပံကျောင်း- TLSPS အောင်မြင်သွားကြတဲ့ ကျောင်းသူကျောင်းသား ၃၄ ဦးဟာ တအာင်းတပ်မတော်- PSLF/TNLA လက်အောက်ရှိ ဌာနဆိုင်ရာနဲ့ တအာင်းအရပ်ဖက် အဖွဲ့အစည်းတွေမှာ အလုပ်သင် ဝင်ရောက်နေကြပြီ ဖြစ်ပါတယ်။
PSLF/TNLA က တရုတ်ပြည်မှာ စကစနဲ့ တွေ့ဆုံမှု သတင်းမှား ဖြစ်တယ်လို့ဆို
တအာင်းတပ်- PSLF/TNLA က တရုတ်ပြည်မှာ စစ်ကောင်စီနဲ့ သွားရောက်ကာ တွေ့ဆုံဆွေးနွေးခဲ့တယ်ဆိုတဲ့ BBC ရဲ့ သတင်းဖော်ပြချက်ဟာ မှန်ကန်မှု မရှိကြောင်း တအာင်းတပ်ရဲ့ အထွေထွေအတွင်းရေးမှူး ဗိုလ်ချုပ် တားဘုန်းကျော်က သူ့ရဲ့ Facebook လူမှုကွန်ရက်မှာ ရေးသားလာပါတယ်။
ကိုးကန့်တပ်က တအာင်းတပ် ထိန်းချုပ်ဒေသသို့ စားသောက်ကုန်နဲ့စက်သုံးဆီ ဆက်လက် ဖြတ်တောက်ထားပြီး ကုန်ဈေးနှုန်း ကြီးမြှင့်နေ
ကိုးကန့်တပ်- MNDAA ထိန်းချုပ်ဒေသကနေ တအာင်းတပ်- TNLA ထိန်းချုပ်ဒေသသို့ စားသောက်ကုန်နဲ့စက်သုံးဆီ သယ်ဆောင်ခွင့်ကို ဆက်လက် ပိတ်ထားဆဲဖြစ်ပြီး ကုန်ကားသမားတွေကို ဖြတ်သန်းခွင့် မပြုသေးဘူးလို့ ကားသမားတွေက ရွှေဖီမြေကို ပြောပါတယ်။
တန့်ယန်းမှာ UWSA အယောင်ဆောင်ပြီး ရွှေ လုယက်ထွက်ပြေးသွားတဲ့ အမျိုးသားတစ်ဦးကို “ဝ”တပ်ဖွဲ့ ဖမ်းဆီး
ရှမ်းမြောက် တန့်ယန်းမြို့မှာ “ဝ”ပြည်သွေးစည်းညီညွတ်ရေး တပ်မတော်- UWSA တပ်သား အယောင်ဆောင်ပြီး ရွှေ လုယက်ထွက်ပြေးသွားခဲ့တဲ့ အမျိုးသားတစ်ဦးကို UWSA က ဖမ်းဆီးရမိခဲ့တယ်လို့ ဖြစ်စဉ်သိရှိသူ အမျိုးသမီးတစ်ဦး ပြောပြချက်အရ သိရပါတယ်။
လားရှိုး ကုန်စုံဆိုင်တစ်ခုကနေ သိန်း ၁ ထောင်နဲ့ ပြန်ပေးဆွဲခံရတဲ့ အမျိုးသမီး ပြန်လွှတ်လာ၊ ပြန်ပေးဆွဲသူတွေဟာ တစ်ရပ်ကွက်ထဲသားတွေ ဖြစ်နေ
စစ်ကောင်စီတပ် ပြန်လည်ထိန်းချုပ်ထားတဲ့ ရှမ်းမြောက် လားရှိုးမြို့ ရပ်ကွက် ၅ က ကုန်စုံဆိုင်တစ်ခုကနေ ပြန်ပေးဆွဲခံခဲ့ရတဲ့ အမျိုးသမီးတစ်ဦး ပြန်လွှတ်လာပြီလို့ လားရှိုးဒေသခံ အမျိုးသားတစ်ဦးက ရွှေဖီမြေကို ပြောပါတယ်။
