The Latest
မင်းတပ်မြို့နယ်မှာ လေကြောင်းတိုက်ခိုက်မှုကြောင့် ဘုန်းကြီးတစ်ပါး ဒဏ်ရာရရှိ
ချင်းပြည်နယ်၊ မင်းတပ်မြို့နယ်၊ တိုက်နယ်အမှတ် (၁) အတွင်းရှိ ကျေးရွာတစ်ရွာကို စစ်ကောင်စီတပ်က လေကြောင်းတိုက်ခိုက်ခဲ့ရာ ကျောင်းထိုင် ဆရာတော်တစ်ပါး ဒဏ်ရာရရှိပြီး နေအိမ်နဲ့ တိရစ္ဆာန်တွေ ထိမှန်ပျက်စီးဆုံးရှုံးခဲ့တယ်လို့ ဒေသခံတွေဆီက သိရပါတယ်။
ဖားကန့်မှာ လက်နက်ကြီး ထပ်မံကျရောက်ပေါက်ကွဲလို့ ၁၃ နှစ်အရွယ်ကလေးအပါအဝင် ၂ ဦး သေဆုံး၊ ၁၅ ဦး ဒဏ်ရာရ
တိုက်ပွဲပြင်းထန်နေတဲ့ ကချင်ပြည်နယ် ဖားကန့်မြို့မှာ လက်နက်ကြီး ထပ်မံကျရောက်ပေါက်ကွဲလို့ အသက် ၁၃ နှစ်အရွယ် ကလေးအပါအဝင် ၂ ဦး သေဆုံးပြီး ၁၅ ဦးထက်မနည်း ဒဏ်ရာရရှိခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။
နမ့်ခမ်းက အမျိုးသမီးငယ်တစ်ဦးနဲ့ မူဆယ်က အမျိုးသားတစ်ဦး အလုပ်လုပ်ဖို့ သွားရာကနေ မိသားစုဝင်နဲ့ အဆက်အသွယ်ပျက်ပြီး ပျောက်ဆုံးနေ
ရှမ်းမြောက် တရုတ် – မြန်မာနယ်စပ် မူဆယ်မြို့ကနေ တရုတ်ပြည် ရွှေလီမြို့ထဲကို အလုပ်လုပ်ဖို့သွားတဲ့ အမျိုးသမီးတစ်ဦးနဲ့ မူဆယ်ကနေ ကွတ်ခိုင်ဘက်ထွက်လာတဲ့ အမျိုးသားတစ်ဦး မိသားစုဝင်တွေနဲ့ အဆက်အသွယ်မရတာကြောင့် အဆက်အသွယ်ပြန်ရလိုကြောင်း မိသားစုဝင်တွေက ရွှေဖီမြေကို ပြောပါတယ်။
၁၀၅ မိုင်က စစ်ဆေးရေးဂိတ်မှာ ဗြုန်းတင်လာတဲ့ အမျိုးသားတစ်ဦး တင်ပို့ခွင့်စာအုပ် မရှိလို့ဆိုပြီး ရိုက်နှက်ခံရ
ညီနောင်မဟာမိတ် ၃ ဖွဲ့ ထိန်းချုပ်ထားတဲ့ ရှမ်းမြောက် မူဆယ်မြို့နယ် (၁၀၅) မိုင်ရှိ စစ်ဆေးရေးဂိတ်မှာ ဗြုန်းတင်ဆောင်လာတဲ့ အမျိုးသားတစ်ဦးကို တင်ပို့ခွင့်စာအုပ် မရှိလို့ဆိုပြီး စစ်ဆေးရေးဂိတ်မှာ စောင့်နေတဲ့ ညီနောင်မဟာမိတ် ၃ ဖွဲ့ဘက်က ရိုက်နှက်တာတွေ ပြုလုပ်ခဲ့တယ်လို့ ကိုယ်တိုင်ကြုံတွေ့ခဲ့ရသူနဲ့ နီးစပ်သူတွေဆီက သိရပါတယ်။
