ရွှေဖီမြေ၊ မေလ ၉ ရက်၊ ကွတ်ခိုင်
ဗမာနိုင်ငံလုံးဆိုင်ရာ လူငယ်ကဗျာဆရာများသမဂ္ဂ- ဗလကသ(ရှမ်းမြောက်)က ဦးဆောင်ပြီး ဒီနေ့ မေလ ၉ ရက်မှာ ကျရောက်တဲ့ ကဗျာဆရာ ခက်သီ ကျဆုံးခြင်း ၅ နှစ်ပြည့် အောက်မေ့ဖွယ် အခမ်းအနားကို ကွတ်ခိုင်နဲ့ နမ့်ခမ်းမြို့နယ်မှာ ကျင်းပခဲ့တယ်လို့ ကဗျာဆရာတွေက ပြောပါတယ်။
အခမ်းအနားမှာ ကဗျာဆရာ ခက်သီကို အောက်မေ့သတိရတဲ့အနေနဲ့ သူ့ရဲ့ကဗျာတွေကို ရွတ်ဖတ်ခဲ့ကြတယ်လို့ ကဗျာဆရာ ကိုယဥ်ဝယ်ထက်က ပြောပါတယ်။
“ကိုခက်သီ ကဗျာတွေ ရွတ်တယ် ကွတ်ခိုင်မှာကော နမ့်ခမ်းမှာကော။ ပြီးတော့ လက်ရှိ နိုင်ငံရေး အခင်းအကျင်းမှာ သူသာ ပါဝင်နေတယ်ဆိုရင် ဘယ်လိုဖြစ်မှာလဲဆိုတဲ့ဟာမျိုးတွေ ဆွေးနွေးကြတာပေါ့လေ”
ကွတ်ခိုင်မြို့နယ်မှာ ကဗျာဆရာဖြစ်ကြတဲ့ ကိုငြိမ်းချမ်း (တံတားဦး)၊ ကိုမြတ်မင်းအိမ်၊ ကိုဘရန်လီအောင်၊ ကိုဆဏ်းမောင်၊ သရက်သီး (ရေနံချောင်း )၊ တီအေအယ်၊ ဟောင်းဟောင်း၊ တော်လှန်ကဗျာချစ်သူတို့ တက်ရောက်ခဲ့ကြတယ်လို့ ဆိုပါတယ်။
နမ့်ခမ်းမြို့နယ်မှာတော့ ကဗျာဆရာ ဆူးခက်၊ ယဥ်ဝယ်ထက်၊ မဂမ်၊ ဝေယံတာရာ၊ ကဗျာဆရာမ သဲလွန်းသူတို့က ကဗျာရွတ်ဆိုပွဲကို ပူးပေါင်းပါဝင်ခဲ့ကြတာ ဖြစ်ပါတယ်။
ကဗျာဆရာ ခက်သီကို ၂၀၂၁ ခုနှစ် မေလ ၈ ရက် ည ၉ နာရီဝန်းကျင်က ရွှေဘိုမြို့ရှိ နေအိမ်မှာ စစ်ကောင်စီတပ်ဖွဲ့ဝင်တွေက လာရောက် ဖမ်းဆီး သွားပြီးနောက် စစ်ကြောရေးမှာ ရိုက်နှက်နှိပ်စက်ခံရတာကြောင့် မေလ ၉ ရက် မနက်မှာ ကျဆုံးသွားခဲ့တာပဲ ဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
