Browsing Category
Ta’ang Edition
239 posts
ပမူစယ် ဒါႈဖါ်ႈနံင်ဘိူန်းဂီုန်း ရူရ်ႈကျံရ်နီန်စီတိုန်းကဲ ဒီယံင်းတိုပိုင်းကာမ ခေဲင်ကဲ အီကတူႈတိုန်း ပယုင်ဒီယံင်းတိုပိုင်းကာမ အ်ုန်အီမိုႈလှေပ်ုန်ဗိူဝ်ႈ တံပ်ပလိက်ကဲနီန် အ်ုန်တောပ် ကောန်အီပ်ုန်ဒဲႇ အဆာက် 14 ဆန်ုမ်
ဘိူန်းတခေါရ်နံပ် အ်ုန်အီမိုႈ ဒီကစာပ်ကုင်ကပိုမ် – ကုင်ခယ် ခေဲင်ကီုင်းမူစယ်နီန် ကဲဒါႈဖါ်နံင်ဘိူန်း ရူရ်ကျံရ်ဂီုန်းစီ ခ္လံဝ်းကောန်အီပ်ုန်ဒဲႇကဲစီ ဟာဝ်းတိုန်းကဲပယုင်ဒီယံင်းတိုပိုင်းကာမနီန်အောႏ။
ပလာဆေဝ် ကနာည်နံင်ဟာပ်ဆိုလာတံင်ကျောင် အထက (2)နီန် ကဲကံပ်ရိူန်းတကောန်ကျောင်ကဲ အူအီး 2 မှီုန်
ကူန်မာကောန်ကျောင်ကဲ က္လာင်းတဖုင်ဆျှိုည်ဖီမျေကဲဒါႈ ဒီပ်ုန်ႎီရ်ထိင်ခြဲ တံပ်ကညာအာဏာဆီုက်ဇေဝ်ကဲ ပကပီုန်ဆျှံမ်ကဒါႇပိူည် ခေဲင်ကီုင်းလာဆေဝ်နီန် ကနာည်နံင်ဟံပ်ကဲဆိုလာ ခေဲင်ကျောင်အထက (2)နီန် ကဲအီရံပ်ဇီုင်းကပ္လိူင်ခေဲင်ကျောင်ကဲ မှာန်းဟာဝ်းရိူန်းတကောန်ကျောင်ကဲ အူအီးနီန် 2 မှီုန်အောႏ။
ပအိုမ်ငျံရ် ကောန်အီမာည်းကဝ်အီဂေါည်ကဒံပ်တောပ်ကဲနီန် လီလာနဘာည်းဟာဝ်းတ ကောန်အီပ်ုန် အဆာက် 9 ဆန်ုမ်နီန်အူအီး
ဘိူန်းအယ်နံပ်တောပ်ဘည်က္လာင်း ရမာအ်ုန်ကဲဒါ; ဒီဘိူန်းတံပ်ဆီုက်တအာင်း TNLA ကဲတထိင်ခြဲ ပလှံင်အိုမ်ငျံရ် ခေဲင်ခမိုရဝ်ပန်ဆော့ ပရဝ်အူရဝ်နီန် ကောန်အီမာည်း ကဝ်အီဂေါည်ကဒံပ်တောပ်ဂါင်ကဲ အ်ုန်အီဘိူန်းအဆာက် 22 ဆန်ုမ်နီန်အူအီး လီလာနဘာည်းဟာဝ်းတ ကောန်အီပ်ုန် အ်ုန်အီဘိူန်းအဆာက် 9 ဆန်ုမ်နီန်အူအီးအော။
ပမိုဂူႈ တံပ်ကညာအာဏာဆီုကဇေဝ်ကဲ ပနိုက်ဖါ်ႈ ရဲင်ဘ္လောမ်ဆီုက်ကဲစီ ပဲန်ဟာဝ်းပ္လေါည်ကတီုက်ကပဴင်တောပ် တံပ်လံပ်တီုက်ႎှီုန်းကဲ
ကဝ်အီနံပ်ဘည်ခူရ်က္လာည်းအရာပ်ကဲ က္လာင်းတဖုင်ဆျှိုည်ဖီမျေဒါႈ ဂေါႇပ်ုန်လီပ်ကဇောည်ဒဲႈခယ်ကဲ တံပ်ကညာအာဏာဆီုက်ဇေဝ်ကဲ လီပ်ဟာဝ်းဖါ်ႈခေဲင်ကီုင်းမိုဂူႈ ကပီုန်ဒါင်းမန်တလေးနီန် ပနိုက်ဟာဝ်းဘိုး ရဲင်ဘ္လောမ်ဆီုက်ကဲအောႏ။
ပ 105 မဲင် ကားတာင်မာဝ်းဗျုင်နီန် ဘရိက်အ်ုန်ပဲန်ဖါ်ႈပဒူႈ စီလီပ်ဒူႈဟာဝ်းတိုအီးကဲ 2 အီးယံမ်းဖါ်ႈ 8 အီးကတူႈဖေး
ကောန်အီမာည်း ကဝ်အီနံပ် ဘည်မိုႈဘည်ဘာည်းနီန်အူအီးက္လာင်းဒါႈ ဒီဘိူန်းဘဝ်ကီုက်ဒါင်း 3 ဖုင်ကဲတထိင်ခြဲ ပလှံင်မူစယ် ခေဲင်ကီုင်း 105 မဲင်နီန် ကားတာင်မာဝ်းဗျုင်နီန်အူကြောင် ဘရိက်အ်ုန်ပဲန်ဖါ်ႈပဒူႈ စီလီပ်ဒူႈဟာဝ်းတိုအီးကဲ ဂေါႇဘည်ဒီန် 2 အီးယံမ်းဖါ်ႈ 8 အီးကတူႈဖေးဘာတ်ဟာဝ်းအောႏ။
တံပ်ကညာအာဏာဆီုက်ဇေဝ်ကဲ တိုည်းအူန်းတိုအီးလီဆူကဲ 3 အီး ကံပ်ဘိူန်းအူကိူရ်ဆငည်း၊ ဂေါႇမိုႈကဲအာဝ်ဒဲႈရမာကဲယိူဝ်းနီန် ကဲဒါႈနောႈမှည်အေ့ ကနာည်အဆာက်ကဲ
ကဝ်အီကဒံပ်တောပ်ရမာကဲ က္လာင်းတဖုင်ဆျှိုည်ဖီမျေဒါႈ ဒီဗီရ်ထိင်ခြဲ တံပ်ကညာအာဏာဆီုက်ဇေဝ်ကဲတ ခေဲင်လှံင်မိုဂူႈနီန် ကောန်ဆီုက်တံပ်ကညာအာဏာဆီုက်ဇေဝ် ကဲအီရဲ့ဂေတ်ကဲ တိုည်းဟာဝ်းတိုအီး လီဆူ ရဝ်ပိန်းပြစ်ကဲ 3 အီးအောႏ။
