Browsing Category

Ta’ang Edition

255 posts

တံပ် TNLA အ်ုန်အီဂေါည်ပရဝ်ယာပြင် လှံင်နော်င်ခေဝ် ဒီပဲန်ဘ္လောမ်ပ္လေါည်ကတီုက်ကပဴင်နီန် ဟည်ချှူမ်ဟာဝ်းဘိုး တံပ် တကညာအာဏာဆီုက်ဇေဝ်ကဲ အူတံပ်

ကဝ်အီဂေါည်ခေဲင်ပ္လေါည်ကတီုက်ကပဴင်နီန်အူအီး က္လာင်းတဆျှိုည်ဖီမျေဒါႈ တံပ်ဆီုက်တအာင်း – TNLA အ်ုန်အီဂေါည်ပရဝ်ယာပြင် လှံင်နော်င်ခေဝ် ကပီုန်ဆျှံမ်ကဒါႇပိူည် ဒီပဲန်ဘ္လောမ်ပ္လေါည်ကတီုက်ကပဴင်နီန် ဟည်ချှူမ်ဟာဝ်းဘိုး တံပ် တကညာအာဏာဆီုက်ဇေဝ်ကဲ အူတံပ်အောႏ။

အီအွံရ်တံပ်ကညာအာဏာဆီုက်ဇေဝ်ကာည်း တံပ်မိူင်းလား – NDAA ကဲ ကတူႈကငျား၊ တံပ်မိူင်းလားကဲက္လာင်းဒါႈ အာဝ်မိူဝ်ႈစိ ဘည်ရံပ်ခါမ်အူန်း ဖုင်အရေးတီုင်ကုင်ကဲအီဟံရ်

ကညာအာဏာဆီုက်ဇေဝ်ကဲ ရိူဝ်ႈလေႈပ္လါႇဘေဲႇပဇံင်းဒါႈ ခိင်ရောတ် မီန်းအံင်လဴင် အ်ုန်အီမိုႈ အီအွံရ်ဆီုက် ပတီုင်ကပ္လိူင် တြိဂံဒေသတိုင်း အီဂေါည်ပကီုင်းကျိုင်းတုံ ကပီုန်ဆျှံမ်ကဒါႇလေႈဆာင်ငည်းနီန် အ်ုန်ဟာဝ်းကတူႈကငျားတောပ် ဉီးစန်ပေ့ အ်ုန်အီမိုႈ ဒုဉက္လဌ NDAA နီန်အောႏ။

ကူန်ရဝ်မာဂါင်ကဲ ဆံင်ခံတ်ဘည်ကိူဝ်ႈ SSPP ကဲတ ခြီရ် နီန် ခေဲင်ကီုင်းကုင်ငှေါ

ကူန်ရဝ်မာဂါင်ကဲ က္လာင်းဒါႈ ကဲဆံင်ခံတ် ဘည်ကိူဝ်ႈ တံပ်ဆီုက်ဆျှံမ် SSPP ကဲတ ခြီရ်နီန် ပအရာပ်ထိင်ခြဲတံပ်ဆီုက်တအာင်း TNLA ကဲ ခေဲင်လှံင်ကုင်ငှေါနီန်အောႏ။

ဂေါႇမိုႈဘြည်က္လာည်းကစံပ် ပတာချှီလိက် စီပေန်ပဲန် အိုမ်ဒါင်းအိုမ်ဟိုက်

တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ဂေါႇမိုႈဘြည်က္လာည်းကစံပ် ပကီုင်းတာချှီလိက် စီပေန်ပဲန် အိုမ်ဒါင်းအိုမ်ဟိုက် ခေဲင်ဇံင်မံင်ခ္လ။

ပမိူင်ယဲ ကားပ်ုန်ဘဒေဲႈ တံပ်ဆီုက် SSPP ကဲ ခိင်ဟံပ်ကဲတအိုမ်ပျြံင်ထာက်နီန် ပဲန်ဟာဝ်းပဒူႈ တိုအီးပေန်ခ္လကတူႈဖေးဘာတ်

ကူန်ရဝ်မာဂါင် မိူင်ယဲကဲအူအီး က္လာင်းတဖုင်ယဲဆျှိုည်ဖီမျေဒါႈ ကပီုန်ဆျှံမ်ကဒါႇပိူည် ပကီုင်းမိူင်ယဲနီန် ကားပ်ုန်ဘဒေဲႈ တံပ်ဆီုက်ဆျှံမ် SSPP ကဲ ခိင်ဟံပ်တ အိုမ်ပျြံင်ထာက်နီန် ပဲန်ဟာဝ်းအမှုပဒူႈ တိုအီးပေန်ခ္လကတူႈဖေးဘာတ်ဟာဝ်းအောႏ။

ကညာအာဏာဆီုက်ဇေဝ် ကာည်း TNLA ကဲ ပ္လေါည်ကတီုက်ကပဴင်ကဲနီန် ဂီုည်ဒါ့်ကရဲင် ပလှံင်နောင်ခေဝ်၊ TNLA ကဲဘ်ုပ်က္လိုတ်ႎီရ်ဒါႇတံပ်အူတံပ်

ကဲအီဂေါည်ခေဲင် ပ္လေါည်ကတီုက်ကပဴင်ကဲ က္လာင်းတဖုင်ဆျှိုည်ဖီမျေဒါႈ ကညာအာဏာဆီုက်ဇေဝ် ကာည်း TNLA ကဲ ပ္လေါည်ကတီုက်ကပဴင်ကဲနီန် ဂိီုည်ဒါ့်ကရဲင် ဂေါင်ကော်င်မှူးသရက်ချို ပ်ုန်ထိင်ခြဲ TNLA ကဲမာ် ကညာအာဏာဆီုက်ဇေဝ်ကဲ ဟည်ႎီရ်ဘိူန်းလာ် အူပ်ဘြောင်ဟာဝ်းအောႏ။

တိုအီးရေဲန်ဇီုင်းကုင်ကပိုမ်ဘြာန် ကဲအီဒါႈနံင်ဟာဝ်းရေဲန်ဇီုင်း ကဒါႇကုင်ခယ်ကဲနီန် ဘိူန်းဘ်ုပ်ဒဲႈရိူန်း တကညာအပြီးကဲ ပေန်ကိူရ်ဆဲန်မာ် ကနာည်နံင်ဘိူန်းဇီုင်းနီန် အာဝ်နှဲန်မ

ကဝ်အီနံပ်ဘည်မိုႈဘည်ဘာည်းနီန်အူအီး က္လာင်းတဆျှိုည်ဖီမျေဒါႈ မိူဝ်ႈအေ့ ဘည်မှာန်း ကညာအပြီးကဲ တတိုအီးရေဲန်ဇီုင်း ကဲအီယိူဝ်ႇကဒါႇကီုင်းမူစယ် ကပီုန်ဆျှံမ်ကဒါႇပိူည် အ်ုန်အီမိုႈကအူရ် ကုင်ခယ်ကာည်း ကုင်ကပိုမ်ဘြာန် ဒါႈနံင်ဟာဝ်းရေဲန်ဇီုင်းပကုင်ခယ်ကဲဒိူန် ရိူန်းယူန် 3ဟြဲင် (ရိူန်းဘြာန် 18ဆဲန်) အောႏ။

တိုအီးဂေါည်ခေဲင်အရာပ် ပ်ုန်တိုည်းအူန်း TNLA ကဲ ဟည်ယံမ်းဟာဝ်း 2အီး၊ ကဲဒါႈမိုႈ ဂါရ်အီယံမ်းဟာဝ်း 2အီးဂါရ်ဒီန်မိုႈ အီဒါဘိုန်းခံင်မဝ်း

ကဝ်အီကဒံတ်တောပ် TNLA နီန် က္လာင်းတဆျှိုည်ဖီမျေဒါႈ ဇိုချီုင်တိုည်းအူန်း တံပ်ဆီုက်တအာင်း – TNLA ကဲ တိုအီးဂေါည်ခေဲင်အရာပ်မိုဂူႈနီန် 2အီး ဟည်ယံမ်းဟာဝ်းအောႏ။

ပမိူင်မီတ် ပဲန်ဒေဲႈဖါ်ႈအမှုယာန်ကဒူႈ ကောန်အီမာည်း 1အီး ယံမ်းဟာဝ်းပွံတ်အူစာ်န်း

တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ပဲန်ဒေဲႈဖါ်ႈ အမှုယာန်ကဒူႈ ပကီုင်းမိူင်မီတ် ကပီုန်ဆျှံမ်ကဒါႇပိူည် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ ကောန်အီမာည်း ကဝ်အီဘဒေဲႈဆဲင်ကယ်ဒီန် 1အီး ယံမ်းဟာဝ်းပွံတ်အူစာ်န်းအောႏ။

ကညာအာဏာဆီုက်ဇေဝ်ကဲ ဟည်ပဴင်ယံမ်းဘိုး တိုအီးႎဲႈဆီုက်ႎဲႈနာန်းကဲအူအီး ပလှံင်နောင်ခေဝ်

အ်ုန်အီမိုႈဒီပဲန် တံပ်ကညာအာဏာဆီုက်ဇေဝ်ကဲ ကာည်း တံပ်ဆီုက်တအာင်း TNLA ကဲတ ပ္လေါည်ကတီုက်ကပဴင် ပလှံင်နောင်ခေဝ် ရဝ်အုမ္မတီးနီန် အ်ုန်အီမိုႈကညာစနိုက်ဘာ ကညာအာဏာဆီုက်ဇေဝ်ကဲ ပဴင်ယံမ်းဟာဝ်း တိုအီးအီႎဲႈဆီုက်ႎဲႈနာန်းကဲ အူအီးအောႏ။