Browsing Category
Ta’ang Edition
256 posts
ဂေါႇပ္လေါည်ကတီုက်ကပဴင် ရီမ်းကီုင်းနော်င်ခေဝ် တိုအီးကဲအီဒဝ်ႎဲႈဖေးနာန်း ကဒါႇမာဝ်းႎံင်း 700 အီးကဲနီန် လိုကနဲတ်ကမှည် ပ်ုန်ကဇောည်
ကဝ်အီကဇောည်ဒဲႈ တတိုအီးဒဝ်ႎဲႈဖေးနာန်းနီန်အူအီး က္လာင်းတဆျှိုည်ဖီမျေဒါႈ ဂေါႇပ္လေါည်ကတီုက်ကပဴင် ရီမ်းကီုင်းနော်င်ခေဝ် ကပီုန်ဆျှံမ်ကဒါႇပိူည် တိုအီးရဝ် ကဲအီဒဝ်ႎဲႈဖေးနာန်း ကဒါႇမာဝ်းႎံင်း 700 အီးကဲနီန် လိုကနဲတ်ကမှည် ပ်ုန်ကဇောည်အောႏ။
ကနာည်နံင်ဘြဲဆား ဒေင်အိုမ်ခြီရ်- နမ့်ဖက်ကာနီန် ကဲနံင်ဘိအူန်း ဘည်ခ္လေါႈကားဒါင်းကဲ အူကဇေန်
တံပ်ဆီုက်တအာင်းကဲ ပ္လိူရ်ႈလေႈဒါႈ ဒေင်အ်ုန်အီကတူည်ႇဒဲႈ ဒီပ်ုန်ထိင်ခြဲ တံပ်ဆီုက်တအာင်းကဲ ကီုင်းအိုမ်ခြီရ် ကာည်း ဒီထိင်ခြဲတံပ်ဆီုက်ခါင်ကဲ ဒေင်နမ့်ဖက်ကာနီန် ကနာည်နံင်ဘြဲဆားကဲတဒေင်နီန် ကဲဘိအူန်းဘည်ခ္လေါႈကားဒါင်း အ်ုန်အီဂေါည် 12 ပေလေႈနီန် အူကဇေန်အောႏ။
တံပ်ကညာအာဏာဆီုက်ဇေဝ်ကဲ ဟည်ဇူႈဒေႎိူဝ်ႈဟာဝ်း ကျောင်ပနောဘေဲႇချှံန်တံင်ဇူႈ အ်ုန်အီဂေါည်ခေဲင်ကီုင်းလာဆေဝ်၊ ဂေါႇမိုႈနောႈမှည် ကနာည်လံပ်ကတ်ုမ် စီပဲန်ကောန်ဒဲႇကဲအီဟိုက်ကျောင်ကဲနီန် ဘြေ့ဒေဲႈ
တိုအီးခေဲင်ကီုင်းလာဆေဝ်ကဲ က္လာင်းတဆျှိုည်ဖီမျေဒါႈ ကဲဟည်ဇူႈဒေႎိူဝ်ႈဟာဝ်း ကျောင်ပနောဘေဲႇချှံန်တံင်ဇူႈ ခေဲင်ကီုင်းလာဆေဝ် ကပီုန်ဆျှံမ်ကဒါႇပိူည် အ်ုန်အီမိုႈ ဒီပ်ုန်ႎီရ်ထိင်ခြဲအူန်း တံပ်ကညာအာဏာဆီုက်ဇေဝ်ကဲ ဂေါႇမိုႈနောႈမှည် ကနာည်လံပ်ကတ်ုမ် စီပဲန်ကောန်ဒဲႇကဲအီဟိုက်ကျောင်ကဲနီန် ဟည်ဘြေ့ဒေဲႈအောႏ။
ဒီဘိူန်းတံပ်ကိုကာင်ကဲတထိင်ခြဲ ပမုံးကိုး ခေဲင်ရဝ်ပေန်ခ္လဒိူန် ဂေါႇမိုႈကဲဘိအူန်းကျောင် ဟည်ဘိူန်း 5 ဆန်ုမ် တိုအီးခေဲင်အရာပ်ကဲစီ မှာန်းဒါႈဆိင်ဒဲႈအေ့ ကဲႎီရ်ႎိူဝ်ႈဒဲႈကျောင်
ဒီဘိူန်းတံပ်ကိုကာင် MNDAA ကဲတထိင်ခြဲ ကပီုန်ဆျှံမ် ကဒါႇပိူည် လှံင်မူစယ် ရဝ်အ်ုန်အီဂေါည် ခေဲင်ကီုင်းမုံးကိုး ပေန်ခ္လကဲဒိူန် ဂေါႇမိုႈ ကဲဘိအူန်းကျောင် ဟည်လှေင် 5 ဆန်ုမ် ဂေါႇဘည်ဒီန် တိုအီးအရာပ်ကဲမှာန်းဒါႈ ဆိင်ဒဲႈအေ့ကဲႎီရ်ႎိူဝ်ႈဟာဝ်းကျောင်နီန်အောႏ။
ဇိူင်ကောန်အီမာည်း ကဝ်အီဟာဝ်းထွံရ်တီရ်ႈ ငျားဒေညဲ့မဴင် ပအေဲမ်ခြီရ်နီန်အူအီး ဟည်ကတ်ုတ် အူကဒါႇ
တိုအီးခေဲင်အရာပ်အူအီး က္လာင်းတဆျှိုည်ဖီမျေဒါႈ ကောန်အီမာည်း ကဝ်အီဂေါည်ပလှံင်အေဲမ်ခြီရ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – TNLA နီန်အူအီး ငျားဖါ်ႈညဲ့မဴင် ဘ်ုပ်ချှူမ်ဟာဝ်းဇိူင်အ်ုန် အူကဒါႇအောႏ။
တံပ်ဆီုက်ကိုကာင်ကဲ ရံပ်တိုည်းဟာဝ်း ကူန်ရဝ်မာဂါင်မိုင်းဝီး ကောန်အီမာည်း 2 အီး စွဲဒါႈမိုႈစိုန် ဆဲႈဒီန် ကူန်ရဝ်မာဂါင်ကဲ က္လာင်းဒါႈဘိုး ကဲရဲန်အူန်းဒေဒဲးတာမ်ယံမ်း
ကူန်ရဝ်မာဂါင်ကဲ က္လာင်းတဖုင်ဆျှိည်ဖီမျေဒါႈ ဒီဘိူန်းတံပ်ဆီုက်တအာင်း TNLA ကဲတထိင်ခြဲ ကပီုန်ဆျှံမ်ကဒါႇပိူည် ပလှံင်အေဲမ်ခြီရ် အရာပ်အေဲမ်ငူည်း ခေဲင်ခမိုရဝ်ပါင်ဟာင်ဒါင်းနီန် တံပ်ဆီုက်ကိုကာင် MNDAA ကဲ ရံပ်တိုည်းဟာဝ်း ကောန်အီမာည်း ရဝ်ဟိုတီး ကာည်း ရဝ်စယ်နေ 2 အီး စွဲဒါႈကဲမိုႈစိုန်အောႏ။
