Browsing Category
Ta’ang Edition
255 posts
ပနောင်ပိန် လှံင်မာဝ်းႎံင်းနီန် ဂီုည်ဆီုပ်ပဲန်ကရဲင် ပ္လေါည်ကတီုက်ကပဴင် ကဒါႇတံပ်ကညာအာဏာဆီုက်ဇေဝ်ကဲ ဘည်တိူဝ်လနီန်မာ်ဂီုန်း
ကဝ်အီဂေါည်ခေဲင် ပ္လေါည်ကတီုက်ကပဴင်ကဲ က္လာင်းတဖုင်ဆျှိုည်ဖီမျေဒါႈ ဂေါႇဘည်ထိုးလီပ်ဒေဲႈ တံပ်ကညာအာဏာဆီုက်ဇေဝ်ကဲ ပရဝ်နောင်ပိန် ခေဲင်လှံင်မာဝ်းႎံင်းနီန် ဂီုည်ပဲန်ကရဲင်ဖါ်ႈ ပ္လေါည်ကတီုက်ကပဴင် ကဒါႇတံပ်ကညာအာဏာဆီုက်ဇေဝ်ကဲ ဘည်တိူဝ်လနီန်ဂီုည်းအောႏ။
ဆဲႈဒါႇ ဆနံမ်ဆပူည် တံင်းဂိုည်း တိုန်းဟာ၀်းဟောမ်ဟာပ် ကနာည်ကောန်ဆီုက်ကောန်နာန်း ကဲအီလီပ်ပ္လေါည် ကတီုက်ကပဴင်ရအာည်ႇ
ကူန်ရ၀်မာဂါင်တအာင်းကဲ ဆဲႈဒါႇ ဆနံမ်ဆပူည် ကဲတံင်းဂိုည်း တိုန်းဟာ၀်းဟောမ်ဟာပ် ကနာည်ကောန်ဆီုက်ကောန်နာန်း ကဲအီလီပ်ပ္လေါည် ကတီုက်ကပဴင် ပအရာပ်နော်င်ပေင် လှံင်မာ၀်းႎံင်း အ်ုန်အီမိုႈ ဒီထိုးလီပ် တံပ်ကညာအာဏာ ဆီုက်ဇေ၀်ကဲနီန်အောႏ။
ဖုင်တံပ်ကညာအာဏာဆီုက်ဇေဝ်ကဲ ကဲပ်ရိူန်းပဂေတ်ဒီလီပ်ခေဲင်ကီုင်း မိူင်ယဲနီန်ဒါႈ ကနာည်းလံပ်ကတ်ုမ်နီန် ဂေါႇဘည်ဒီန် ကညာကားကဲကတူႈခည်းကီန်း
ကဝ်အီနံပ် ဘည်မိုႈဘည်ဘာည်း နီန်အူအီး က္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ကညာအာဏာဆီုက်ဇေဝ်ကဲတထိင်ခြဲ ပဂေတ်မိူင်ယဲနီန် ကဲကဲပ်ကဆဝ်းဇာဝ်းရိူန်းနီန်တ ကညာကားကဲ ဒါႈမိုႈ ကနာည်လံပ်ကတ်ုမ်အောႏ။
ဂီုည်လိုအူန်း ပ်ုန်ကဇောည် ကနာည်ကဲအီဒဝ်ႎဲႈဖေးနာန်း ရောတ်စာ်မ်းပဆဘော 600အီးနီန်
ကဝ်အီကဇောည်ဒဲႈတ တိုအီးဒဝ်ႎဲႈဖေးနာန်းကဲနီန်အူအီး က္လာင်းတဆျှိုည်ဖီမျေဒါႈ ဂီုည်လိုပ်ုန်ကဇောည် ကနာည်ကဲအီဒဝ်ႎဲႈဖေးနာန်း ရောတ်စာ်မ်းပကီုင်းဆဘော ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ 400အီးနီန်အောႏ။
ပအေဲမ်ကိုက် KIA ကဲ တိုည်းဟာဝ်းဖါ်ႈ ကောန်အီမာည်း ကဝ်အီဒါခံင်မဝ်းနီန်အူအီး ဘံန်ဟောည်ႇလှေင်ဘြည် 5ဆငည်း အ်ုန်ဟည်ယံမ်းဟာဝ်း
ကဝ်အီကဒံတ်တောပ် ဘဝ်ရမာအ်ုန်ကဲအူအီး က္လာင်းတဆျှိုည်ဖီမျေဒါႈ ဘံန်ဟောည်ႇတိုည်းဟာဝ်း တံပ်ဆီုက်ခါင် KIA ကဲ တကောန်အီမာည်းအူအီး အ်ုန်အီဂေါည်ပဇံင် 2 ကီုင်းအေဲမ်ကိုက် ကပီုန်ဆျှံမ်ကဒါႇပိူည် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း TNLA ကဲနီန် ဘံန်ဟောည်ႇလှေင်ဘြည် 5ဆငည်း အ်ုန်ဟည်ယံမ်းဟာဝ်းအောႏ။
ကပုဂုတ်ထိပ်လှေအီလေႈဇီုဝ်ဒါင်းနီန် ကပံတ်ဇောႈ၊ လော်ဘီတံပ်ကညာအာဏာဆီုက်ဇေဝ်ကဲ ပျံတ်ဝါဒ ဒါႈမိုႈ TNLA ကဲပဒူႈမဴင်
ဖုင်ယဲဆျှိုည်ဖီမျေ တခေါရ်နံပ် ကပုလှေအ်ုန်အီကတူည်ႇဒဲႈ ဒီဘိူန်းတံပ်ဆီုက်တအာင်းကဲတထိင်ခြဲ မာဝ်းႎင်း ကာည်း ဒီထိင်ခြဲတံပ်ကညာအာဏာဆီုက်ဇေဝ်ကဲ ပနောင်ခေဝ် လှေအီလေႈဇီုဝ်ဒါင်း ကပုဂုတ်ထိပ်နီန် ကပံတ်ဇောႈအောႏ။
တံပ်ကညာအာဏာဆီုက်ဇေဝ်ကဲ ဒါ Y- 12နီန် ပျောႈဟာဝ်းဘျုင် 35 ရီမ်းပြော တတက 13 ခေဲင်လှံင်သပိတ်ကျင်း
ကဝ်အီဒဲႈဆဒါင် အူအီး က္လာင်းတဖုင်ဆျှိုည်ဖီမျေဒါႈ ဒီဂီုည်ပဲန်အူန်းတံပ်ကညာအာဏာဆီုက်ဇေဝ်ကဲ ကာည်း လံပ်တီုက်ႎှီုန်းကဲတ ပ္လေါည်ကတီုက်ကပဴင်နီန် ခေဲင်လှံင်သပိတ်ကျင်း ပႎါင်းပနောချှံန်ဇာရ် ကနံဝ်း 13 အ်ုန်အီဂေါည် ရီမ်းပြောတွင်းငယ်နီန် ကဲပျောႈဟာဝ်းဘျုင် 35 ပိုင်းအောႏ။
