Browsing Category

Ta’ang Edition

226 posts

တံပ်ကညာအာဏာဆီုက်ဇေဝ်ကဲ ဒါ Y- 12နီန် ပျောႈဟာဝ်းဘျုင် 35 ရီမ်းပြော တတက 13 ခေဲင်လှံင်သပိတ်ကျင်း

ကဝ်အီဒဲႈဆဒါင် အူအီး က္လာင်းတဖုင်ဆျှိုည်ဖီမျေဒါႈ ဒီဂီုည်ပဲန်အူန်းတံပ်ကညာအာဏာဆီုက်ဇေဝ်ကဲ ကာည်း လံပ်တီုက်ႎှီုန်းကဲတ ပ္လေါည်ကတီုက်ကပဴင်နီန် ခေဲင်လှံင်သပိတ်ကျင်း ပႎါင်းပနောချှံန်ဇာရ် ကနံဝ်း 13 အ်ုန်အီဂေါည် ရီမ်းပြောတွင်းငယ်နီန် ကဲပျောႈဟာဝ်းဘျုင် 35 ပိုင်းအောႏ။

တိုအီး အီႎဲႈဖေးႎဲႈနာန်း ကာည်း အီကတူးဖေးနောင်ပိန်ကဲ ကနာည်း 70 အီနီန် လိုကဇောည်ကနဲတ်ကမှည်

ဂေါႇပ္လေါည်ကတီုက်ကပဴင် ခနားတံပ်ကညာအာဏာဆီုက်ဇေဝ်ကဲ ကာည်း တံပ်ဆီုက်တအာင်း TNLA ကဲ တိုအီး အရာပ် အီႎဲႈဒေဲး ဖေးဆီုက်ဖေးနာန်း ယိူဝ်ႇကဒါႇလှံင်မာဝ်းႎံင်း ရဝ်နောင်ပိန် ကဲအီရောတ် ခေဲင်ကီုင်းလာဆေဝ် 70 အီးနီန် လိုကနဲတ်ကမှည် ပ်ုန်ဟောမ်ပ်ုန်ဟာပ်နီန်။

ပအိုမ်ယ်ုရ် ကဲဘိူန်းတိုည်း တိုအီးကဇိူရ်ႈကယံင်း လာက်နာက်ကဲ 3အီး

တံပ်ဆီုက်တအာင်းကဲ ပ္လိူရ်ႈလေႈ အဒိူဝ်ကျံရ်အောဂ်ုတ် ဆငည်း 21 ခိင်ညှာ 10နြီလေႈအူကဒည်ဒိူန်ဒါႈ ကဲဘိူန်းဒေတိုည်း ကောန်အီမာည်း 3အီး ကဲအီကဇိူရ်ႈကယံင်းလာက်နာက် ပလှံင်အိုမ်ယ်ုရ် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တ်အာင်းကဲအောႏ။

တံပ်ကညာအာဏာဆီုက်ဇေဝ်ကဲကာည်း TNLA ကဲ ပဲန်အစဴင်အရဴင်ပ္လေါည်ကတီုက်ကပဴင် ရီမ်းနော်င်ပေင် လှံင်မာဝ်းႎံင်း

မာည်းရူပ၊ ကျံရ်အောဂ်ုတ် ဆငည်း 20၊ မာဝ်းႎံင်း ကဝ်အီဂေါည်ခေဲင်ပ္လေါည်ကတီုက်ကပဴင်နီန်အူအီး က္လာင်းတဆျှိုည်ဖီမျေဒါႈ ဂေါႇမိုႈတံပ်ကညာအာဏာဆီုက်ဇေဝ်ကဲ ထိုးလီပ် စီပဲန်ကတီုက်ကပဴင် ခနား တံပ်ကညာအာဏာဆီုက်ဇေဝ်ကဲကာည်း…

ဂေါႇမိုႈ နောႈမှည်ဖေးရာန်ယာန်ပ်ုရ်နီန် တိုအီးကီုင်းမိုဂူႈကဲ ဒဝ်ဒိုည်ႇ

တိုအိးအရာပ်ကဲ က္လာင်းဒါႈ ဂေါႇမိုႈနောႈမှည် ဖေးရာန်ယာန်ပ်ုရ် တံပ်ကညာအာဏာဆီုက်ဇေဝ်ကဲ ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲ ကပီုန်ဒါင်းမန္တလေး တိုအီးကီုင်းမိုဂူႈကဲ ဒဝ်ဒိုည်ႇအောႏ။

ကညာအာဏာဆီုက်ဇေဝ်ကဲ ဟည်ပျောႈဘိုးဘျုင် ပမိုဂူႈ ကဒါႇလီပ်ဆာင်ငည်း အူအီးကတူႈဖေးဘာတ်

တံပ်ကညာအာဏာဆီုက်ဇေဝ်ကဲ ဟည်ပျောႈဘိုးဘျုင်ဒီထိင်ခြဲတံပ်ဆီုက်တအာင်း PSLF/ TNLA ကဲ ပကီုင်းမိုဂူႈ ကဒါႇလီပ်ဆာင်ငည်းနီန် တိုအီးအရာပ်ကဲ အူအီးကတူႈဖေးဘာတ်ဟာဝ်း။

တံပ်ကညာအာဏာဆီုက်ဇေဝ်ကဲ ဒေဲႈပျောႈဘိုး ပ္လေဘျုင် ပကီုင်းမိုဂူႈ၊ တောပ်ပည်ကောန်ကညောမ် တိုအီးဟည်ယံမ်းဟာဝ်း 3အီးအာဝ်ယောမ်

တိုအီခေဲင်အရာပ်ကဲ က္လာင်းတဆျှိုည်ဖီမျေဒါႈ ဂေါႇမိုႈတံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဘိုးပ္လေဘျုင် ပကီုင်းမိုဂူႈ အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ တောပ်ပည်ကောန်ကညောမ် 1အီး တိုအီးဟည်ယံမ်းဟာဝ်း 3အီးအာဝ်ယောမ်အောႏ။

တံပ်ကညာအာဏာဆီုက်ဇေဝ်ကဲ ဂီုည်ဆီုပ်ထိုးဟာဝ်း ပရဝ်အ်ုန်အီဂေါည်ပဒေင်နောင်ခေဝ် ကာည်း မိုဂူႈနီန် ပ္လေါည်ကတီုက်ကပဴင်မာ် ဂီုည်ပဲန်ကရဲင်

ကဝ်အီဂေါည်ခေဲင်ပ္လေါည်ကတီုက်ကပဴင်ကဲ က္လာင်းဒါႈ ဘံန်ႎီရ်ဘိူန်းတံပ်ကညာအာဏာဆီုက်ဇေဝ်ကဲတ ထိင်ခြဲ ကီုင်းနောင်ခေဝ် ဒီပ်ုန်ထိင်ခြဲတံပ်ဆီုက်တအာင်း PSLF/TNLA ကဲနီန် တံပ်ကညာအာဏာဆီုက်ဇေဝ်ကဲ ထိုးဟာဝ်းဘိုးကဒါႇရဝ် အ်ုန်အီဂေါည်ပဒေင်နောင်ခေဝ် ကာည်း မိုဂူႈနီန် ပ္လေါည်ကတီုက်ကပဴင်မာ် ဂီုည်ဒါ့်ပဲန်ကရဲင်အောႏ။

တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ပမန့်ဝိန်းဒါင်းနီန် တိုအီးအရာပ်ကဲ ယံမ်းဟာဝ်း 2 အီး

တိုအီးအရာပ်ဒီန် ကောန်အီမာည်းအူအီး က္လာင်းဒါႈ ကပီုန်ခါင် ခေဲင်လှံင်မံစီ ပမန့်ဝိန်းဒါင်းနီန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ဂေါႇဘျုင်ဒီန် ကောန်ကညောမ်အူအီး ကာည်း ကောန်အီပ်ုန်အူအီး ယံမ်းဟာဝ်းအောႏ။

ဖုင်သုတေသန အစဲန်ဆမဲင်ခြိူဝ်းတအာင်းကဲ တောႇအီရေဲန်ဇီုင်းကာန်ခေဲင်လူမ်

ဖုင်သုတေသန အစဲန်ဆမဲင်ခြိူဝ်းတအာင်းကဲ တောႇကညာပိင်ငျာဆျှီန်သုတေသန ကာည်း အီနံင်ရေဲန်ဇီုင်းကာန်ခေဲင်လူမ်နီန် 8 အီးအောႏ။