ငလျင်ဘေးသင့်နေသူကို ကယ်ဆယ်ဖို့ နိုင်ငံတစ်ဝန်းက ကြိုးစားနေချိန် စစ်ကောင်စီတပ်က နောင်ချို ကျောက်ကြမ်းရွာကို ဗုံးကြဲတိုက်ခိုက်
ငလျင်ဘေးသင့်တဲ့ လူထုတွေကို နိုင်ငံတစ်ဝန်းက ကူညီကယ်ဆယ်ဖို့ ကြိုးစားနေချိန် စစ်ကောင်စီတပ်က ရှမ်းမြောက် နောင်ချိုမြို့နယ် ကျောက်ကြမ်းရွာကို ဒရုန်းအသုံးပြုပြီး ဗုံးကြဲတိုက်ခိုက်ခဲ့တယ်လို့ တအာင်းတပ်မတော်- TNLA က သတင်းထုတ်ပြန်လာပါတယ်။
မန္တလေးနဲ့ စစ်ကိုင်းမှာ သောက်ရေသန့် ဝယ်ယူလို့ မရတော့သလို တခြားအခြေခံကုန်တွေလည်း ထက်ဝက်ကျော် ဈေးမြှင့်တက်နေ
ငလျင်ဒဏ်ကို အပြင်းအထန် ခံစားနေရတဲ့ မန္တလေးတိုင်းနဲ့ စစ်ကိုင်းတိုင်းက နေရာတချို့မှာ အရေးပေါ် လိုအပ်နေတဲ့ သောက်ရေသန့်ကို လိုအပ်သလောက်ဝယ်ယူလို့ မရတော့တဲ့အပြင် လီတာဝက် တစ်ဘူးကို ၂ ထောင်နဲ့ ပေးဝယ်နေရကြောင်း ပြည်ကြီးတံခွန်မြို့နေ အမျိုးသမီးရဲ့ ပြောပြချက်အရ သိရပါတယ်။
Sky Villa ကွန်ဒို ပြိုကျမှုမှာ ပိတ်မိနေတဲ့ အမျိုးသမီးတစ်ဦးကို ၃ ရက်အကြာမှာ အသက်ရှင်လျက် ကယ်ထုတ်နိုင်ခဲ့
မန္တလေးတိုင်း အောင်မြေသာစံမြို့နယ်ရှိ Sky Villa ကွန်ဒို ပြိုကျမှုမှာ ပိတ်မိနေတဲ့ ရှမ်းမြောက် ကွတ်ခိုင်မြို့နယ် နမ့်ဖတ်ကာကျေးရွာက တအာင်းလူမျိုးဖြစ်တဲ့ လွေးခင်လှိုင်ကို ၃ ရက်အကြာမှာ အသက်ရှင်လျက် ကယ်ထုတ်နိုင်ခဲ့တယ်လို့ သိရပါတယ်။
ငလျင်ကြောင့် ပြိုကျခဲ့တဲ့ ဦးလှသိန်း ဗိမ္မာန်အတွင်း ပျောက်ဆုံးနေတဲ့ သံဃာတော်တွေကို ဆက်လက် ရှာဖွေနေ၊ ပျက်စီးနေတဲ့ အဆောက်အဦးကြားမှာ အပုတ်နံ့ ထွက်နေ
ငလျင်ကြောင့် ပြိုကျခဲ့တဲ့ မန္တလေးမြို့က ဦးလှသိန်း ဗိမ္မာန်အတွင်းမှာ ပျောက်ဆုံးနေတဲ့ သံဃာတော်တွေကို ဆက်လက် ရှာဖွေနေပြီး ပျက်စီးနေတဲ့ အဆောက်အဦးကြားမှာလည်း အပုတ်နံ့ ထွက်နေတယ်လို့ ငလျင်လှုပ်ခတ်စဥ် ဦးလှသိန်း ဗိမ္မာန်ကနေ လွတ်မြောက်လာတဲ့ ဦးဇင်းတစ်ပါးက မိန့်ပါတယ်။
