ငလျင်ဒဏ်ကြောင့် အိုးဘိုအကျဥ်းထောင်က နိုင်ငံရေး အကျဥ်းသူ ၆ ဦး သေဆုံး
ပြီးခဲ့တဲ့ မတ်လ ၂၈ ရက် နေ့လယ် ၁ နာရီ ဝန်းကျင်က မန္တလေးမြို့ကို ဗဟိုပြုပြီး ပြင်းအား ၇ ဒသမ ၇ အဆင့် ငလျင် လှုပ်ခတ်မှုကြောင့် အိုးဘိုအကျဥ်းထောင်က အနည်းဆုံး လူ ၁၂ ဦး သေဆုံးခဲ့ပြီး အဲဒီအထဲမှာ နိုင်ငံရေး အကျဥ်းသူ ၆ ဦး ပါဝင်တယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်- PPNM က ဒီနေ့ ဧပြီ ၅ ရက်မှာ ထုတ်ပြန်ထားပါတယ်။
လားရှိုး ပြည်သူ့ဆေးရုံ ဧပြီ ၂၀ ရက်မှာ ပိတ်မယ် (Edit-1:30 PM)
ကိုးကန့်တပ်မတော်- MNDAA ထိန်းချုပ်ထားတဲ့ ရှမ်းမြောက် လားရှိုးမြို့ကို စစ်ကောင်စီထံ လွှဲပြောင်းပေးသွားမှာ ဖြစ်တဲ့အတွက် ပုံမှန်လည်ပတ်နေပြီဖြစ်တဲ့ ပြည်သူ့ဆေးရုံကြီးကို လာမယ့် ဧပြီ ၂၀ ရက်မှာ ပိတ်တော့မှာ ဖြစ်တယ်လို့ ဒေသခံတွေက ရွှေဖီမြေကို ပြောပါတယ်။
အပစ်ရပ်မယ်ဆိုတဲ့ စစ်ကောင်စီတပ်က မိုးဗြဲမှာ တိုက်ပွဲ ဖြစ်ပွားခြင်းမရှိဘဲ လက်နက်ကြီး၊ လေကြာင်းနဲ့ တိုက်ခိုက်ခဲ့တာကြောင့် ဒေသခံ ၅ ဦး သေဆုံး
ရှမ်းတောင် မိုးဗြဲနဲ့ ကရင်နီပြည် လွိုင်ကော်ကြားက ပီကင်းကောခူရွာကို တိုက်ပွဲ ဖြစ်ပွားခြင်းမရှိဘဲ စစ်ကောင်စီတပ်က လက်နက်ကြီး၊ လေကြောင်းနဲ့ တိုက်ခိုက်ခဲ့တာကြောင့် ဒေသခံ ၅ ဦး သေဆုံးခဲ့တယ်လို့ KNDF က ဒီနေ့ ဧပြီ ၅ ရက်မှာ ထုတ်ပြန်လာပါတယ်။
မင်းကွန်းတောင်ရိုးမှာ ငလျင်ကြောင့် ဂူထဲ ပိတ်မိနေတဲ့ သံဃာတော် ၃ ပါးရဲ့ အလောင်းကို ကိုယ်ထူကိုယ်ထ တူးထုတ်နိုင်ခဲ့၊ သောက်သုံးရေနဲ့ အစားအသောက် လိုအပ်နေ
စစ်ကိုင်းတိုင်း စစ်ကိုင်းမြို့နယ် မင်းကွန်းတောင်ရိုးမှာ ငလျင်ကြောင့် ဂူထဲ ပိတ်မိနေတဲ့ သံဃာတော် ၃ ပါးရဲ့ ရုပ်အလောင်းကို သံဃာတော်နဲ့ ဒေသခံတွေ ပူးပေါင်းပြီး ကိုယ်ထူကိုယ်ထ တူးထုတ်နိုင်ခဲ့တယ်လို့ မင်းကွန်းတောင်ရိုးရှိ ဘုန်ကြီးတစ်ပါးက ရွှေဖီမြေကို မိန့်ပါတယ်။
