ဖလမ်း မြို့သိမ်းတိုက်ပွဲအတွင်း ခြေလက်ဆုံးရှုံးသွားတဲ့ ရဲဘော်တွေ ခြေတုလက်တု တပ်ဆင်ပေးနိုင်ဖို့ အကူအညီ လိုအပ်နေကြောင်း CNDF ပြော
ချင်းပြည်နယ် ဖလမ်း မြို့သိမ်းတိုက်ပွဲမှာ ခြေလက်ဆုံးရှုံးသွားတဲ့ ရဲဘော်တွေကို ခြေတုလက်တု တပ်ဆင်ပေးနိုင်ဖို့ ငွေကြေးအကူအညီ လိုအပ်နေကြောင်း ချင်းအမျိုးသား ကာကွယ်ရေးတပ်ဖွဲ့- CNO/ CNDF ရဲ့ ပြောရေးဆိုခွင့်ရှိသူ ဆလိုင်း တင်မီထွဋ်က ရွှေဖီမြေကို ပြောပါတယ်။
ဒီပဲယင်း အိုးထိမ်းကွင်းရွာ လေကြောင်း တိုက်ခိုက်မှုမှာ ကျောင်းသား ၂၀ ဦးနဲ့ ဆရာမ ၂ ဦး စုစုပေါင်း သေဆုံးသူ ၂၂ ဦးအထိ ရှိလာ
စစ်ကိုင်းတိုင်း ဒီပဲယင်းမြို့နယ် အိုးထိမ်းကွင်းကျေးရွာ စာသင်ကျောင်း လေကြောင်း ဗုံးကြဲတိုက်ခိုက်မှုမှာ ကျောင်းသား ၂၀ ဦးနဲ့ ဆရာမ ၂ ဦး စုစုပေါင်း သေဆုံးသူ ၂၂ ဦး ရှိလာတယ်လို့ မြေပြင်ဒေသခံတစ်ဦးက ရွှေဖီမြေသို့ ပြောပါတယ်။
ကျိုက်ထိုနဲ့ စဉ့်ကူးမြို့တွေကို လေကြောင်းတိုက်ခိုက်မှုနဲ့ လက်နက်ကြီးကြောင့် အရပ်သား ၁ ဦးသေ၊ ၈ ဦး ဒဏ်ရာရ
မွန်ပြည်နယ် ကျိုက်ထိုမြို့နယ်နဲ့ မန္တလေးတိုင်း စဉ့်ကူးမြို့နယ်ကို စစ်ကောင်စီက လေကြောင်းကနေ ဗုံးကြဲတိုက်ခိုက်တာနဲ့ လက်နက်ကြီးပစ်ခတ်တာတွေကြောင့် အရပ်သား ၁ ဦး သေဆုံးခဲ့ပြီး ၈ ဦး ဒဏ်ရာရခဲ့ကြောင်း ကရင်အမျိုးသားအစည်းအရုံး KNU နဲ့ ပြည်သူ့ကာကွယ်ရေးအဖွဲ့ပြင်ဦးလွင်ခရိုင်ရဲ့ ထုတ်ပြန်ချက်အရ သိရပါတယ်။
လားရှိုးမြို့ ပါရမီလမ်းထဲမှာ သေနတ် ကိုင်ဆောင်ထားတဲ့ လူတစ်စုက အမျိုးသမီးတစ်ဦးကို ဓားပြတိုက်၊ ကားတစ်စီးနဲ့ လက်စွပ်နှစ်ကွင်း ပါသွား၊ ဓားပြတိုက်မှု ဆက်တိုက်ဖြစ်နေ
စစ်ကောင်စီပြန်လည်အုပ်ချုပ်နေတဲ့ ရှမ်းမြောက် လားရှိုးမြို့ ရပ်ကွက် (၁) ပါရမီလမ်းထဲမှာ သေနတ် ကိုင်ဆောင်ထားတဲ့ လူတစ်စုက အမျိုးသမီးတစ်ဦးကို ဓားပြတိုက်ကာ ကားနဲ့ လက်စွပ်နှစ်ကွင်း ယူဆောင်သွားခဲ့တယ်လို့ ရွှေဖီမြေက စုံစမ်းသိရပါတယ်။
