Lway Htwe

1069 posts

တိုက်ပွဲ ရပ်ပြီး နိုင်ငံရေးနည်းလမ်းနဲ့ တွေ့ဆုံဆွေးနွေးဖို့ MNDAA နဲ့ TNLA ကို NUCC တောင်းဆို၊ တွေ့ဆုံဆွေးနွေးဖို့ အကူအညီလိုရင် ပါဝင်ပေးဖို့ အသင့်ရှိတယ်လို့ဆို

အချင်းချင်းကြား ဖြစ်ပွားနေတဲ့ တိုက်ပွဲတွေကို ချက်ချင်းရပ်ပြီး နိုင်ငံရေးနည်းလမ်းနဲ့ တွေ့ဆုံဆွေးနွေးအဖြေရှာဖို့ ကိုးကန့်တပ်- MNDAA နဲ့ တအာင်းတပ်- TNLA တို့ကို အမျိုးသားညီညွတ်ရေး အတိုင်ပင်ခံကောင်စီ- NUCC က ထုတ်ပြန်တောင်းဆိုထားပါတယ်။

ကွတ်ခိုင်မြို့ ဌာနဆိုင်ရာအားလုံးနီးပါး ကိုးကန့်တပ် သိမ်းပိုက်ပြီး ခံစစ် အသင့်ပြင်ထား၊ ကွတ်ခိုင်မြို့အနီး ရွာခံတွေ ဖမ်းဆီးခံရတာ ရှိနေ

ဒီနေ့ မတ်လ ၁၄ ရက် မနက် ၁၀ နာရီခွဲမှာ ကွတ်ခိုင်မြို့ကို စတင်ထိုးစစ်ဆင်တိုက်ခိုက်ခဲ့တဲ့ ကိုးကန့်တပ်ဟာ လက်ရှိ မြို့ပေါ်က ဌာနဆိုင်ရာအများစုကို သိမ်းပိုက်ထားပြီး ခံစစ် အသင့်ပြင်ထားလိုက်ပြီလို့ ဒေသခံတွေက ရွှေဖီမြေကို ပြောပါတယ်။

TNLAရဲ့ တပ်စခန်း ၅နေရာထက်မနည်းကို တစ်ပြိုင်နက် ထိုးစစ်ဆင်ခဲ့ပေမယ့် TNLA ဘက်က အရင်ပစ်လို့ ပြန်လည်ခုခံခြင်းသာ ဖြစ်တယ်လို့ ကိုးကန့်တပ် ထုတ်ပြန်

ဒီနေ့ မတ်လ ၁၄ ရက် မနက်မှာ တအာင်းတပ်ထိန်းချုပ်ထားတဲ့ ကွတ်ခိုင်မြို့အပါအဝင် နမ့်ဖတ်ကာ၊ကျင်စခန်းကျော့၊တာမိုးညဲနဲ့ မုံးစီးရှိ TNLA ရဲ့ တပ်စခန်းတွေကို တစ်ပြိုင်နက်ထဲ ထိုးစစ်ဆင်ခဲ့ပေမယ့် TNLA ဘက်က အရင်ပစ်လို့ ပြန်လည်ခုခံတာဖြစ်တယ်လို့ ကိုးကန့်တပ် ဒီနေ့လည်ပိုင်းမှာ စာထုတ်ပြန်ထားပါတယ်။

ဂန့်ဂေါမြို့နယ်မှာ CDM ရဲတပ်သားတစ်ဦးက ကျည်တွေနဲ့အတူ စစ်ကောင်စီထံ ပူးပေါင်း

မကွေးတိုင်း၊ ဂန့်ဂေါမြို့နယ်မှာ CDM ပြုလုပ်ထားတဲ့ ရဲတပ်သားတစ်ဦးက ကျည်တွေနဲ့အတူ ဂန့်ဂေါအခြေစိုက် စစ်ကောင်စီတပ်ရဲ့ ခြေလျင်တပ်ရင်း (ခလရ – ၅၀) တပ်ရင်းထံသို့ ပူးပေါင်းသွားတယ်လို့ တော်လှန်ရေးတပ်တွေနဲ့ နီးစပ်သူတွေဆီက သိရပါတယ်။

ကျေးရွာတွေဘက်ကို MNDAAက ဒရုန်းနဲ့ဗုံးကြဲတိုက်ခိုက်လို့ ထိခိုက်မှုရှိ၊ ကျေးရွာ ၃ရွာထက်မနည်းက ဒေသခံတွေ တောထဲ တိမ်းရှောင်ရ

ကိုးကန့်တပ်-MNDAA ရဲ့ ဒရုန်းပစ်ခတ်မှုကြောင့် ကွတ်ခိုင်မြို့နယ်ထဲက ကျေးရွာ ၃ ရွာ ထက်မနည်းက ဒေသခံတွေ တောထဲထွက်ပြေးတိမ်းရှောင်နေရတယ်လို့ ဒေသခံတွေက ပြောပါတယ်။

တရုတ်ရဲ့အထူးကိုယ်စားလှယ် မစ္စတာ တိန့်ရွှီကျွင်း နေပြည်တော်ကို ရောက်ချိန် ကိုးကန့်တပ်က တအာင်းတပ်ကို အချိန်ကိုက် ထိုးစစ်ဆင်တိုက်ခိုက်

တရုတ်ရဲ့ အာရှရေးရာ အထူးကိုယ်စားလှယ် မစ္စတာ တိန့်ရွှီကျွင်း ဦးဆောင်တဲ့ကိုယ်စားလှယ်အဖွဲ့ နေပြည်တော်ကို ရောက်နေချိန်မှာပဲ ကိုးကန့်တပ်က တအာင်းတပ်ကို အချိန်ကိုက် စတင်ထိုးစစ်ဆင်တိုက်ခိုက်ခဲ့ပါတယ်။

MNDAAရဲ့ ထိုးစစ် ကွတ်ခိုင်မြို့ထဲ အင်အားအလုံးအရင်း ရောက်လာ၊ တိုက်ပွဲ အပြင်းအထန်ဆက်ဖြစ်

တအာင်းတပ်- TNLA ထိန်းချုပ်ထားတဲ့ ကွတ်ခိုင်မြို့ထဲအထိ ကိုးကန့်တပ် MNDAAရဲ့ ထိုးစစ် ဝင်ရောက်လာပြီး မြို့ထဲမှာ နှစ်ဖက် တိုက်ပွဲအပြင်းအထန် ဆက်ဖြစ်နေတယ်လို့ ဒေသခံတွေဆီက သိရပါတယ်။

နမ့်ဖတ်ကာရွာထဲမှာ ကိုးကန့်တပ်က ဒရုန်းနဲ့ ဗုံးကြဲတိုက်ခိုက်လို့ နမ့်ဖတ်ကာက ဒေသခံတစ်ဦး ဒဏ်ရာရ

ကချင်တပ်မတော်-KIA ထိန်းချုပ်ထားတဲ့ နမ့်ဖတ်ကာကျေးရွာမှာ ကိုးကန့်တပ်မတော် MNDAA က ဒရုန်းနဲ့ ဗုံးကြဲတိုက်ခိုက်မှုကြောင့် ‌ဒေသခံတစ်ဦး ထိခိုက်ဒဏ်ရာရရှိခဲ့တယ်လို့ ဒေသခံအမျိုးသားတစ်ဦးက ပြောပါတယ်။

ညီနောင်မဟာမိတ် ၃ဖွဲ့ ပူးပေါင်းထိန်းချုပ်တဲ့ မြန်မာ-တရုတ်နယ်စပ် ကျင်စန်းကျော့မှာ TNLAတပ်သားတွေကို ကိုးကန့်တပ်က ဖမ်းဆီးသွား

ညီနောင်မဟာမိတ် ၃ဖွဲ့ ပူးတွဲထိန်းချုပ်ထားတဲ့ မြန်မာ-တရုတ်နယ်စပ် ကျင်စန်းကျော့ဂိတ်မှာ တအာင်းတပ်-TNLA တပ်သားတွေကို ကိုးကန့်တပ်က အင်အားအများအပြားနဲ့ လာရောက်ဖမ်းဆီးခေါ်ဆောင်သွားခဲ့တယ်လို့ မြေပြင်သတင်းအရင်းမြစ်တွေက ပြောပါတယ်။

ကိုးကန့်တပ်ရဲ့ ထိုးစစ်ဆင်မှုကြောင့် ကွတ်ခိုင်မှာ စာမေးပွဲဖြေနေတဲ့ ကျောင်းသူကျောင်းသားတွေ တစ်ဝက်တစ်ပျက်နဲ့ နားလိုက်ရ

တအာင်းတပ် – TNLA ထိန်းချုပ်ထားတဲ့ ကွတ်ခိုင်မြို့ကို ကိုးကန့်တပ် – MNDAA က ဒီနေ့ မတ်လ ၁၄ ရက်မနက် ၁၀ နာရီဝန်းကျင်မှာ စတင်ထိုးစစ်ဆင်တိုက်ခိုက်လာတာကြောင့် စာမေးပွဲဖြေနေတဲ့ ကျောင်းသူကျောင်းသားတွေ တစ်ဝက်တစ်ပျက်နဲ့ နားလိုက်ရတယ်လို့ ကျောင်းသားမိဘတွေက ပြောပါတယ်။