ဆျှိုည်ဖီမျေ၊ ကျံရ်အောဂ်ုတ် ဆငည်း 21၊ အိုမ်ယ်ုရ်
တံပ်ဆီုက်တအာင်းကဲ ပ္လိူရ်ႈလေႈ အဒိူဝ်ကျံရ်အောဂ်ုတ် ဆငည်း 21 ခိင်ညှာ 10နြီလေႈအူကဒည်ဒိူန်ဒါႈ ကဲဘိူန်းဒေတိုည်း ကောန်အီမာည်း 3အီး ကဲအီကဇိူရ်ႈကယံင်းလာက်နာက် ပလှံင်အိုမ်ယ်ုရ် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တ်အာင်းကဲအောႏ။
ဂေါႇမိုႈ ဖုင်ပလိက်တအာင်းကဲ ဘိူန်းဒေဲႈဆဒါင် ခည်ကျံရ်အောဂ်ုတ် ဆငည်း 10ဒိူန် ဘံန်ဟောည်ႇစေတ်မေန်းကဲ စီဘိူန်းလာ်တိုည်းဟာဝ်း ဆနာတ် AK 1လှေ၊ M-22 1လှေ၊ MA-3 1လှေကာည်း ခြီုင်အီကဆီုဝ်ကဆဲင် တဆနာတ်ကဲနီန် တောပ်ကောန်အီမာည်း 3ဒီန်အောႏ။
ကဲပ္လိူရ်ႈအူန်းခေဲင်ပ္လါႇဘေဲႇ ရိူရ်ႈလေႈကဲဒီန်ဒါႈ ကဲနံင်တိူဝ်ႈလာည်းအရေး တကောန်အီမာည်း 3အီးကဲဒီန် တောပ်ဉပဒေလာက်နာက်အောႏ။
ခည်ကျံရ်ဇူန်ဆငည်း 17ဒိူန်မာ် ဖုင်ပလိက်လှံင်အေဲမ်ကိုက်ကဲ တိူမ်ဘိူန်းအေ့ဒေတိုည်း ခံင်မဝ်းကာည်း ဂြိုခြီုင်လာက်နာက် ပရဝ်ဟိုကျန့်နီန်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
