မော်ချီးဒေသကို စစ်တပ်က ဗုံးထပ်ကြဲ၊ ၁ ဦး သေဆုံးပြီး ၅ ဦး ဒဏ်ရာရ

ယာရူစိင်၊ ဩဂုတ် ၂၀ ရက်၊ မော်ချီး

ကရင်နီပြည် ဖားဆောင်းမြို့နယ် မော်ချီးဒေသကို စစ်တပ်က ဗုံး ထပ်မံ ကြဲချတိုက်ခိုက်တာကြောင့် ဒေသခံ ၁ ဦး သေဆုံးခဲ့တယ်လို့ သတင်းအရင်းအမြစ်တစ်ဦးက ရွှေဖီမြေကို ပြောပါတယ်။

ဒီနေ့ ဩဂုတ် ၂၀ ရက် မနက် ၆ နာရီခွဲဝန်းကျင်မှာ မော်ချီးဒေသ လိုခါးလိုရွာကို စစ်တပ်က ဗုံးကြဲတိုက်ခိုက်ခဲ့လို့ သေဆုံးသူအပြင် ဒဏ်ရာရသူ ၅ ဦး ရှိတယ်လို့ ဆိုပါတယ်။

ဒေသခံ အမျိုးသမီးတစ်ဦးက “ဒီမနက်ပဲ ထပ်ကြဲသွားတာပါ။ ဒေသခံတစ်ယောက် သေဆုံးခဲ့ရပါတယ်။ တချို့ဒေသခံတော့ နေရပ်ကနေ ရှောင်နေကြတာလည်း ရှိပါတယ်” လို့ ပြောပါတယ်။

မနေ့ ဩဂုတ် ၁၉ ရက် မနက် ၆ နာရီဝန်းကျင်မှာလည်း မော်ချီးဒေသကို စစ်တပ်က လေကြောင်းကနေ ဗုံး ၇ လုံး ကြဲချတိုက်ခိုက်ခဲ့တာကြောင့် ဒေသခံ ၃ ဦး ဒဏ်ရာ ရရှိခဲ့ပါတယ်။

ဖားဆောင်းမြို့နယ် မော်ချီးဒေသကို စစ်တပ်က လေကြောင်းကနေ နေ့စဉ်လိုလို ဆက်တိုက် ဗုံးကြဲတိုက်ခိုက်နေတာပဲ ဖြစ်ပါတယ်။

ပြီးခဲ့တဲ့ ဩဂုတ် ၁၇ ရက်ကလည်း မော်ချီးဒေသကို ဗုံးကြဲတိုက်ခိုက်ခဲ့လို့ သေဆုံးသူ ၃၂ ဦးအထိ ရှိခဲ့ပါတယ်။

ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

Shwe Phee Myay YouTube

Shwe Phee Myay Telegram