လိုည်းလာဝ်ဇာရ်၊ ကျံရ်အောဂ်ုတ် ဆငည်း 17၊ မိုဂူႈ
တိုအီခေဲင်အရာပ်ကဲ က္လာင်းတဆျှိုည်ဖီမျေဒါႈ ဂေါႇမိုႈတံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဘိုးပ္လေဘျုင် ပကီုင်းမိုဂူႈ အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ တောပ်ပည်ကောန်ကညောမ် 1အီး တိုအီးဟည်ယံမ်းဟာဝ်း 3အီးအာဝ်ယောမ်အောႏ။
အဒိူဝ် ကျံရ်အောဂ်ုတ် ဆငည်း 17 ခိင်ညှာ ကပံတ် 9နြီဒိူန် ကဲဟည်ဒေဲႈပျောႈဟာဝ်းပ္လေဘျုင် ခေဲင်ကီုင်းမိုဂူႈ ကဒါႇလေႈဆာင်ငည်းအောႏ။
တိုအီးခေဲင်ကီုင်းအူအီး က္လာင်းဒါႈ “ခည် 8နြီ 57မနေတ်ဒိူန် အူပိုင်း ကယာန်လိူည် 5မနေတ် ကဲဟည်ဒေဲႈပျောႈဟာဝ်းဘိုး အူပိုင်း။ ရအာည်ႇ ပတ္တမြားငမောက်အူပိုင်း၊ ရအာည်ႇဘဏ်အူပိုင်း။ ပ်ုန်လယံမ်းဒီန်မိုႈ ကဝ်အီဟာဝ်းတောပ်ဒေင်အူအီးကာည်း ကောန်ဒဲႇအူအီး၊ ကောန်တဘိုက်အူအီး။ အီဟြာည်ကမာ်ႈဟာဝ်းမာ် မိူဝ်ႈအေ့”
ဖုင်ယဲဆျှိုည်ဖီမျေ ဆီုင်ဒါ့်တခေါရ်အူန်း တေဲင်ပ်ုန်ပျောႈဟာဝ်းကဲ တပ္လေဘျုင်ဒီန် စဲင်စဲင်ဟြဟြအောႏ။
ခည်ကျံရ်အောဂ်ုတ် ဆငည်း 14ဒိူန်မာ် ဂေါႇမိုႈကဲဒေဲႈပျောႈဟာဝ်းပ္လေ တေဲင်ကျောင်စဝ် လင်းရောင်ခြည် စီပဲန်တိုအီးရဝ် ဟည်ယံမ်းဟာဝ်း 21အီး ဘာတ် 10အီးအောႏ။
တောပ်ဘည်စြာင်းပ်ုန်ကစုအူန်း ဖုင်ယဲဆျှိုည်ဖီမျေ ခေဲင်ဘြည် 2နှာနီန် ဂေါႇဖေးယာန်ပ်ုန်တံပ်ကညာအာဏာဆီုက်ဇေဝ်ကဲ တိုအီးဟည်ယံမ်းဟာဝ်း 42အီး ဘာတ် 18အီးအောႏ။
ကဝ်အီကပ္လါႇဘေဲႇဆဒါင် Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
