မြတ်နိုး၊ ဩဂုတ် ၈ ရက်၊ ဖားကန့်
ကချင်ပြည်နယ် ဖားကန့် ဆိုင်းဝောာင်မှာ မနေ့ ဩဂုတ် ၇ ရက် ည ၉ နာရီကျော်က လက်နက်ကြီး ကျရောက်လို့ ကလေးငယ်အပါအဝင် ၅ ဦး ဒဏ်ရာရပြီး ၁ ဦး သေဆုံးခဲ့တယ်လို့ ဒေသခံတွဆီက သိရပါတယ်။
“ဆိုင်းတောင် ဆုတောင်းဝောာင်ဘက်ကျတာ လက်နက်ကြီးက။ ဆုတောင်းတောင်က ဘုရားကျောင်း အပေါ်နားမှာပဲ” လို့ ဒေသခံ လူငယ်တစ်ဦးက ပြောပါတယ်။
လက်နက်ကြီး ပေါက်ကွဲလို့ ၆ ဦး ဒဏ်ရာရရှိတဲ့အထဲက အမျိုးသမီးတစ်ဦး သေဆုံးပြီး ကလေးငယ်တစ်ဦးအပါအဝင် ၅ ဦး ထိခိုက်ဒဏ်ရာ ရရှိခဲ့တာလို့ ဆိုပါတယ်။
“လက်နက်ကြီးသံကြားတော့ ၉ နာရီ ကျော်ပြီ။ မြေကြီးဝောာင်တုန်တယ်။ စစ်တပ်က ဖားကန့်ကနေ ဆိုင်းတောင်ဘက်ကို တိုက်ပွဲ မရှိဘဲနဲ့ လက်နက်ကြီး ရမ်းသမ်း ပစ်ထည့်တာ” လို့ နောက်ထပ် ဒေသခံ အမျိုးသားတစ်ဦးက ပြောပါတယ်။
လက်နက်ကြီးကြောင့် သေဆုံးသွားတဲ့ အမျိုးသမီးဟာ စစ်ရှောင် ဖြစ်တယ်လို့ ဆိုပါတယ်။
မနေ့ညနေပိုင်း ၄ နာရီခန့်ကလည်း ဖားကန့် အမှိုက်ပုံဘက် စစ်တပ်က လေကြောင်းနဲ့ ဗုံးကြဲ တိုက်ခိုက်ခဲ့တယ်လို့ ဒေသခံတွေက ပြောပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
