ပိုႈလဘား၊ ကျံရ်အောဂ်ုတ် ဆငည်း 8၊ တော်င်စီး
ကောန်အီမာည်း ကဝ်အီဂေါည်ခေဲင်အရာပ်ဒီန်အူအီး က္လာင်းဒါႈ ဂေါႇဆဒါင် ပ်ုန်ဒါႈကဲတ တံပ်လံပ်တီုက်ႎှီုန်းကဲ လီပ်ဒေဲႈခေဲင်ကီုင်းတော်င်စီး ကပီုန်ဆျှံမ်ကဒါႇက်ြုမ်နီန် စီပဲန် တံပ်ကညာအာဏာဆီုက်ဇေဝ်ကဲ ဒါဖါ်ႈ ရဒေင် PSMS စေတ်မေန်းတိုည်းဟာဝ်းတိုအီးကဲဂဲနီန်အောႏ။
တီုင်ဌာနအွံရ်ဇီုင်း လံပ်ဘြောင်ချှာင်တောန်နဲကဲ ရိူရ်ႈလေႈပ္လါႇဘေဲႇ ခည်ကျံရ်အောဂ်ုတ် ဆငည်း 4ဒိူန် ဒါႈနံင်ဒါရဒေင် People Surveillance ang Management System – PSMS နီန်စေတ်မေန်း ပဟိုတယ်၊ မိုတယ်၊ ဂါင်ဒီအီတ်ရလှဝ်၊ ဒီလီပ်လေႈကီုင်း၊ ကားဂေက်၊ တံပ်ဆီုက် ပကီုင်းတော်င်စီးနီန်အောႏ။
PSMS နီန်မိုႈ CCTV ၊ ဘံန်းတည်း၊ Scan ငါည် ယိူဝ်ႇတကဲဒီန် ဆာ်ထီပ်လိူည် Clilk အူလိူဝ်ႈမာ် အ်ုန်မိုႈစနီတ် နံပ်ချာ်န်းပွံတ် ဘည်မိုႈဘည်ဘာည်း တိုအီးအူအီးနီန်အောႏ။
နံင်ဘ်ုပ်တိုန်းဖါ်ႈ စြာင်းကဲအီဒေဲႈအီတ် ပဟိုတယ်၊ မိုတယ်၊ ဂါင်ဒီအီတ်ရလှဝ် အ်ုန်အီဂေါည်ပကီုင်းတော်င်စီးနီန် တဖုင်လံပ်ကတ်ုမ်ကဲကတီးကရီး ဒီလီပ်လေႈကီုင်းကာည်း ကဲအီတောပ်ဒေဲႈကား၊ ကားဂေက်ကဲနီန်မာ် ဖုင်လံပ်ကတ်ုမ် PSMS ကဲ နံင်စေတ်မေန်းတောပ် ဆနီတ် PSMS နီန်ယာ့်အောႏ။
“ကဲဟည်ဇူႈဒေလီပ်ဒေဲႈ ပည်ကဒါႇလီပ်ကလော ပည်ကဒါႇလီပ်ရွာငံ။ မိုႈလိူည် ကနာည်လံပ်ကတ်ုမ် ခေဲင်အရာပ်ပ်ုန်ထိင်ခြဲအူန်းကဲဒီး။ ဟောည်ႇဒီန် ကနာည်နံင်မှာန်းရိူန်းဒီးကော်။ နံင်မိူဝ်ႈဘည်ခ္လံဝ်းဒါ မှာန်းရိူန်း။ နံင်ဆမာပဲန်ဒေဲႈဘိုး ဆာ်အယ်အာဝ်ဘယ်ဒဲႈရိူန်း ထာန်မှာန်းကဲ နံင်ဘားအူန်း အာဝ်ဒဲႈအယ်ခ္လေါႈကဲနီန်။ တံင်ဒါင်းအ်ုန် ကဲနံင်ဒါဖါ်ႈ စနီတ် PSMS နီန် တိုည်းဘည်လိုကဲ။ အီဒီန် အ်ုန်နှေရ်လိူည် ဆာ်အယ်ဘ ကား Without နံင်ကတူႈတိုည်းကဲနီန်ယာ့်”
ကဆီုဝ် ကညာဟိုတယ်၊ ကညာဒေင်ယာန်ကဲ နံင်ဘ်ုပ်ကပိုမ် တိုန်းဖါ်ႈဆဒါင် ကဲအီဒ်ုမ်ကဲဒီန်တ လံပ်ဘြောင်ချှာင်၊ ဖုင်လံပ်ကတ်ုမ်ကဲ အခိင်ဒေဲႈစေတ်မာ် နံင်ဘ်ုပ်ဒဲႈကဲစေတ်မှိူမ်မှိူမ် ဆာ်အာဝ်ရံပ်ခါမ် ကဲပ္လိူရ်ႈကပျောအူန်းဒါႈ နံင်တိူဝ်ႈလာည်းအရေးတကဲအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
