ဆျှိုည်ဖီမျေ၊ ကျံရ်အောဂ်ုတ် ဆငည်း 6
ခည်ကျံရ်အောဂ်ုတ် ဆငည်း 4ဒိူန် WSP ကဲအီပ္လိူရ်ႈလေႈဆဒါင် ‘ဝ’ ကဲနီန် ပ္လိူရ်ႈလေႈဒါႈ ဘ္လံက်ချှာင်တြား တံပ်ဆီုက် ‘ဝ’ – UWSA ကဲ ဟည်ချတာမ်ရိူန်းကာည်း တာမ်ကဘေဲမ် တဂါရ်အီလီလာနဘာည်း တကောန်အီပ်ုန်ဒဲႇ ဘိူန်းအဆာက် 12ဆန်ုမ် အ်ုန်အီရဲ့ကောန်ဂါရ် 2အီးဒီန်အောႏ။
ကဲဒါႈ ခည်ကျံရ်ေႎှဲပ်ဘျူရီဒိူန် Zhao Yanyi ကာည်း Ye Ga ဂါရ် 2အီးနီန် ဒါဘိုတ်၊ ကဆားကထာပ်၊ ခံန်တောက်ကာည်း ဂြိုခြီုင်ပ်ုန်ဟံရ် မဲႈလီလာနဘာည်း တကောန်အီပ်ုန်ဒဲႇ Xiaoxiang ဘိူန်းအဆာက် 12ဆန်ုမ်ဒီန် ကည်လိူဝ်ႈကည်လိူဝ်ႈအောႏ။
ဂေါႇမိုႈကဲလီလာနဘာည်း ကည်လိူဝ်ႈကည်လိူဝ်ႈ စီပဲန် Xiaoxiang နီန် ဘိူန်းဟာဝ်းဒီဆဲဝ် ပကိင်အ်ုန်၊ ကအာင်ပြါည်ႇအာရ်ကဒါႇကာည်း ကအာင်ညောည်အ်ုန် တောပ်ပည်ရောဂါနှာမ်ဘြေ့ ဟည်ဘိူန်းဒိုႇဒီဆဲဝ် တတိုအ်ုန်ပါ်တိုအောႏ။
ကဲဟည်ချတာမ်ကဘေဲမ် တZhao Yanyi အ်ုန်အီလူည်ႇကဆဝ်း အကျိုးကာည်း ပ်ုန်လိုဘိူန်း ကဲအီအဆာက်ညှံမ်နိုက်ကဲနီန် 16ဆန်ုမ် ကာည်း တ Ye Ga နီန် 20ဆန်ုမ်၊ ကဲချဘိူန်း ဆူည်ႇဂါရ်ဟံပ်တာမ်ရိူန်း တငံရ်ကာည်း ကဆီုဝ်လာက်နာက်ကဲနီန် ရိူန်းခယ် ယူန် 30000အောႏ။
ဆဲႈဒါႇဒီန် UWSA ကဲ ပ္လိူရ်နှဲဖါ်ႈမူဝါဒ ဘည်အာဝ်ရံပ်ခါမ်ကဲတ ပ်ုန်လူည်ႇတေဲင်ကောန်ကညောမ်ဒဲႇကဲနီန် ကဲပ္လိူရ်ႈနှဲဘိုး ဘည်နံင်ရေဲန်အ်ုႈအ်ုႈခ်ုခ်ုကဲ တရာဇဝတ် အီကဆီုဝ်ကဆဲင်တောပ် ခံင်မဝ်းကဲနီန်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
