နွားထိုးကြီးနယ်ထဲကို စစ်တပ်က လက်နက်ကြီးပစ်ခတ်တိုက်ခိုက်ခဲ့လို့ ဒေသခံ ၃ သေဆုံး၊ ၂ ဦးဒဏ်ရာရ

ယာရူစိင်၊ ဩဂုတ် ၅ ရက်၊ နွားထိုးကြီး

မန္တလေးတိုင်း နွားထိုးကြီးမြို့နယ်ကို စစ်တပ်က လက်နက်ကြီး ပစ်ခတ်လိုက်တာကြောင့် ဒေသခံ ၃ ဦးသေဆုံးပြီး ၂ ဦးဒဏ်ရာရရှိခဲ့တယ်လို့ ဒေသခံ အမျိုးသားတစ်ဦးက ရွှေဖီမြေကို ပြောပါတယ်။

ပြီးခဲ့တဲ့ ဩဂုတ် ၃ ရက် နေ့လယ် ၁ နာရီကျော်မှာ နွားထိုးကြီးမြို့နယ်ထဲက ရွာကြီးရွာကို စစ်တပ်က လက်နက်ကြီးနဲ့ ပစ်ခတ်တိုက်ခိုက်ခဲ့ပါတာ ဖြစ်ပါတယ်။

ဒေသခံ အမျိုးသားတစ်ဦးက” ခြေမြန်တပ်ရင်း ၁၅ တပ်စခန်းကနေ ရွာကြီးရွာကို လက်နက်ကြီးပစ်လိုက်တာပေါ့။ အဓိကတော့ စစ်တပ်ဟာ ဒေသခံတွေကိုသာ ဦးတည်ပြီး လက်နက်ကြီး ပစ်လိုက်တာပေါ့။ ဒီဘက်ဆို တိုက်ပွဲဖြစ်ပွါးတာလည်း မရှိဘူး”လို့ ပြောပါတယ်။

စစ်တပ်က ပစ်ခတ်လိုက်တဲ့ လက်နက်ကြီးကြောင့် အသက် ၁၀ နှစ်ဝန်းကျင်အရွယ် ကလေးငယ်အပါအဝင် ဒေသခံ ၂ ဦးလည်း ထိမှန်ဒဏ်ရာရရှိခဲ့ပါတယ်။

ပြီးခဲ့တဲ့ ဇူလိုင် ၂၆ ရက်ကလည်း နွားထိုးကြီးမြို့နယ် မျက်ရှုကျေးရွာရှိ စစ်ဘေးရှောင်တွေ နေထိုင်တဲ့ ဘုန်းကြီးကျောင်းကို စစ်တပ်ဟာ ဒရုန်းနဲ့ တိုက်ခိုက်ခဲ့တာကြောင့် ဒေသခံ ၆ ဦးသေဆုံးပြီး ၆ ဦးဒဏ်ရာရရှိခဲ့ပါတယ်။

ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

Shwe Phee Myay YouTube

Shwe Phee Myay Telegram