ပိုႈလဘား၊ ဇူန်လည် ဆငည်း 30၊ အေဲမ်ကိုက်
တိုအီးအရာပ်ကဲ က္လာင်းဒါႈ ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲ ပကီုင်းအေဲမ်ကိုက်နီန် ဂေါႇဘျုင်ပ်ုန်ဒေဲႈပျောႈဟာဝ်း တံပ်ကညာအာဏာဆီုက်ဇေဝ်ကဲနီန် ကဲဟည်ႎီရ်ယိူဝ်းဘိုးတိုပိုင်းခန္ဓာယံမ်းအူအီး တောပ်ပည်ကောန်ကညောမ်အူအီး ကဲအီယံမ်းဟာဝ်းနီန် ဟည်ဂေါည် 6 အီးအော။
အဒိူဝ် ဇူန်လည် ဆငည်း 30 ခီညှာဇေဝ်း ကပံတ် 1 နြီဒိူန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ပအေဲမ်ကိုက် ခေဲင်ဇံင် 2 ပဟိုတယ် 2 ရာစုသစ်နီန် တောပ်ပည်ကောန်ကညောမ် 1 အီး 6 အီးယံမ်းဟာဝ်းဖါ်ႈ 8 အီးကတူႈဖေးဘာတ်ဟာဝ်းအော။
တိုအီးအရာပ်ဒီန် ကောန်အီမာည်းအူအီး က္လာင်းဒါႈ “ ခီညှာနီန် ဟည်ႎီရ်ယိူဝ်းဘိုး တိုပိုင်းခန္ဓယံမ်း အူအီး။ ကဲယိူဝ်းအ်ုန် ခနားလူလှဲဝ်ႏဟာဝ်း ဂါင်ကဲ။ ပ်ုန်ယိူဝ်းကဲတိုပိုင်းခန္ဓာယံမ်းဒီန်မိုႈ ကောန်အီမာည်း”
ဂေါည်ဘျုင် ပ်ုန်ဒေဲႈပျောႈဟာဝ်းကဲဒီန် ကောန်ကညောမ်အူအီး၊ ကောန်အီမာည်း 3 အီး ကာည်း ကောန်အီပ်ုန် 2 အီး ယံမ်းဟာဝ်းဖါ်ႈ ကဲအီကတူႈဖေး ဘာတ်ဟာဝ်းမိုႈ ရမ်ကျင်ထွမ် အဆာက် 20၊ ဆိုင်နူး အဆာက် 24၊ မေရီဆန် အဆက် 26 ၊ သင်သင်အေး အဆာက် 24၊ မရွယ်ဆိုင် အဆာက် 20၊ ကိုရှောက်ဝမ် အဆာက် 23၊ ကိုဖုန်းအောင် အဆာက် 32 ကာည်း ဦးသန်းထွန်း အဆာက် 30 အောႏ။
အမှိူဝ် ကျံရ်ဇူန်လည် ဆငည်း 29 ဒိူန်မာ် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် မိုဂူး ကာည်း မိူင်လုံနီန် တိုအီးအရာပ်ကဲ ယံမ်းဟာဝ်း 5 အီး 14 အီး ကတူႈဖေးဘာတ်ဟာဝ်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
