ဆျှိုည်ဖီမျေ၊ ကျံရ်ဇူန်လည် ဆငည်း 28
အ်ုန်အီမိုႈ လူမ်ဘြောင်ချှာင်အိူင်မိုဂူႈ လံမ် PSLF/ TNLA ပ္လိူရ်ႈလေႈပ္လါႇဘေဲႇဒါႈ ဂေါႇမိုႈ ဘြည်က္လာည်း ကစံပ်ဇာဝ်း ကနာည်နံင်ႎီရ်ဘြဲဆား ရဒေင် ကာည်း ကပုအီလူလှဲဝ်ႈဟာဝ်း ရဒေင်အ်ုန်အီမိုႈ ဒီပ်ုန်ထိင်ခြဲ TNLA ကဲနီန် ကဲဒါႈ နံင်ဘိဟာဝ်း ဘည်ခ္လေါႈနီန် အူနှားအောႏ။
ရဒေင် ပ်ုန်နံင်ဘိဟာဝ်းကဲ အူကဇေန်မိုႈ ရဒေင်မိုဂူႈ – မာဝ်းႎံင်း၊ မိုဂူႈ – မိူင်မီတ်၊ မိုးဂူႈ – စဉ့်ကူး၊ မိုဂူႈ – သပိတ်ကျင်း၊ ပျီန်အူလူန် – အုမ္မတီး – အုမ္မခါး – မိူင်လုံ ကာည်း တကောင်း- တွင်းငယ် – မိူင်မီတ်အောႏ။
ကဲဒါႈ နံင်ဘိဟာဝ်း ဇူႈဒါႇကျံရ်ဇူန်လည် ဆငည်း 29 ရောတ် ကျံရ်အောဂ်ုတ် ဆငည်း 5 နီန် ကဲနံင်ဘိဟာဝ်း အူကဇေန်အော ဘံန်ရောတ် ကျံရ်အောဂ်ုတ် ဆငည်း 6 နီန် ကဲစီနံင်ဒဲႈ ကားဘတဂါင်ကဲ ခ္လေါႈဟာဝ်းအောႏ။
တောပ်ခေဲင်ပ္လါႇဘေဲႇပ်ုန်ပ္လိူရ်ႈလေႈကဲဒါႈ ကားတာင်ဂြို ကာည်း ကားဒါင်းကဲနီန် ဇူႈဒါဆငည်း ပ္လိူရ်ႈလေးကဲတပ္လါႇဘေဲႇနီန် ဂါ်အာဝ်ရောတ် ဘံန်နံင်ပ္လိူရ်ႈကဲတ ပ္လါႇဘေဲႇနီန် အာဝ်းဘိူန်းစိခ္လေါႈအောႏ။
ဂေါႇမိုႈဘြည်က္လာည်းကစံပ်ဇာဝ်း ရဒေင်အ်ုန်အီမိုႈ ဒီပ်ုန်ထိင်ခြဲ TNLA ကဲ ဒေင်မာဝ်းႎံင်း – မိူင်လုံ – မိုဂူႈကဲနီန် လူလှဲဝ်ႏ ကဆဝ်းဖါ်ႈ ဘည်အာဝ်ဘိူန်းခ္လေါႈကားမာ် ဂေါည်ဂေါည်မိူဝ်ႈအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
