ရွှေဖီမြေ၊ ဇူလိုင် ၂၀ ရက်၊ မတ္တရာ
မန္တလေး PDF ထိန်းချုပ်ထားတဲ့ မတ္တရာ၊ စဉ့်ကူးနဲ့ သပိတ်ကျင်းမြို့နယ်ဘက် စစ်အင်အား ဖြည့်တင်းလာတဲ့ စစ်ကောင်စီတပ်ရဲ့ စစ်သင်္ဘောတွေကို MDY-PDF က ပိတ်ဆို့တိုက်ခိုက်ခဲ့တယ်လို့ ဒီနေ့ ဇူလိုင် ၂၀ ရက်မှာ ထုတ်ပြန်လာပါတယ်။
တိုက်ခိုက်မှုဟာ ပြီးခဲ့တဲ့ ဇူလိုင် ၁၇ ရက်မှာ လုပ်ဆောင်ခဲ့တာဖြစ်ပြီး စစ်တပ်ရဲ့ ရိက္ခာနဲ့လက်နက်ခဲယမ်း တင်ဆောင်လာတဲ့ တွန်းတွဲသင်္ဘော ၁ စီး နစ်မြှုပ်ကာ အခြား တွန်းသင်္ဘော ၂ စီး မီးလောင်ပျက်စီးသွားတယ်လို့ ဆိုပါတယ်။
စစ်သင်္ဘောတွေဟာ မန္တလေးမြို့ ဂေါဝန်ဆိပ်ကမ်းကနေ ဆန်တက်လာတာဖြစ်ပြီး စစ်သင်္ဘော ၅ စီးအပါ စုစုပေါင်း သင်္ဘော ၁၄ စီးကို MDY-PDF က တိုက်ခိုက်ခဲ့ကြောင်း ဓာတ်ပုံနဲ့တကွ ထုတ်ပြန်လာတာပါ။
စစ်တပ်က စစ်သင်္ဘောတွေကို ဂျက်ဖိုက်တာအပြင် Mi-35 ရဟတ်ယာဉ်နဲ့ အကြိမ်ပေါင်းများစွာ ပစ်ကူကာကွယ်ပေးတဲ့ကြားကနေ MDY-PDF က အဲဒီ စစ်သင်္ဘောတွေကို တိုက်ခိုက် ဖျက်ဆီးနိုင်ခဲ့တာပဲ ဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
