ပို့လဘား၊ ဇွန်လ ၁၈ ရက်၊ တန့်ယန်း
စစ်ကောင်စီတပ်ရဲ့ ထိန်းချုပ်မှုအောက်မှာရှိနေတဲ့ ရှမ်းမြောက် တန့်ယန်းမြို့မှာ လိုင်စင်မဲ့ ကားတွေနဲ့ ဆိုင်ကယ်တွေကို စတင်ဖမ်းဆီးနေတယ်လို့ ဒေသခံတွေက ရွှေဖီမြေကို ပြောပါတယ်။
စစ်ကောင်စီတပ်နဲ့ ၎င်းရဲ့လက်အောက်ခံ ယာဉ်ထိန်းရဲတွေက ဒီနေ့ ဇွန်လ ၁၈ ရက်မှာ စတင်ဖမ်းဆီးတာဖြစ်တယ်လို့ တန့်ယန်းမြို့နေ အမျိုးသမီးတစ်ဦးက ပြောပါတယ်။
“W (လိုင်စင်မဲ့) ကားတွေ ဖမ်းနေတော့ လူတွေပါ ရှင်းနေတာ။ တစ်မြို့လုံး အပြင်မထွက်ရဲကြတော့ဘူး။ မသိတဲ့သူတော့ ထွက်တယ်။ “ဝ”ကားတွေကျ သူတို့တားတောင် မတားရဲဘူး။ သူတို့နဲ့ သူတို့ဝန်ထမ်းတွေလည်း စီးနေတာပဲ။ အဲဟာတွေကိုကျ သူတို့မဖမ်းဘူး။ ပြည်သူလူထုတွေကိုကျ ဖမ်းနေတယ်။ သူတို့ဖမ်းမိရင် သိမ်းမယ်တဲ့။ အကောင်းတွေပဲ ရွေးဖမ်းနေတာ။ တစ်ပတ်ဖမ်းမယ်လို့ ပြောတာပဲ”
ပြီးခဲ့တဲ့ မေလ နောက်ဆုံးပတ်ကနေ ဇွန်လ ၃ ရက်နေ့အထိ စစ်ကောင်စီရဲ့ ထိန်းချုပ်မှုအောက်ရှိနေတဲ့ ရှမ်းတောင် တောင်ကြီး၊ အောင်ပန်း၊ ပင်းတယ စတဲ့မြို့တွေမှာလည်း သံယာတော်တွေအပါအဝင် ဒေသခံတွေစီးတဲ့ လိုင်စင်မဲ့ကားနဲ့ ဆိုင်ကယ်တွေကို ဖမ်းဆီးတာတွေ ရှိခဲ့ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
