မာည်းရူပ၊ ကျံရ်ဇူန် ဆငည်း 2၊ နမ့်ဖတ်ကာ
ဂေါႇမိုႈ ဘြည်က္လာည်းကစာပ်ဇာဝ်း အာရ်အိုည်ဆငည်းနီန် ဒေင်လှေအ်ုန်အီကတူည်ႇဒဲႈ ရဝ်နမ့်ဖတ်ကာ ကာည်း လှံင်အေဲမ်ခြီရ် ပကပီုန်ဆျှံမ် ကဒါႇပိူည်နီန် အ်ုန်လူလှဲဝ်ႏကဆဝ်းဇာဝ်းအောႏ။
ဇူႈဒါကျံရ်မေ နှားအိုည်ဒိူန် ဂေါႇမိုႈဘြည်နီန် အ်ုန်က္လာည်းကစာပ်တောန်ဆငည်း ဒေင်ခနား နမ့်ဖတ်ကာ ကာည်း အေဲမ်ခြီရ်နီန် အ်ုန်လူလှဲဝ်ႏကဆဝ်းဖါ်ႈ အမှိူဝ် ကျံရ်ဇူန် ဆငည်း 1 နီန် ကားအီတာင်ဂြိုမာ် မိူဝ်ႈအေ့အီအာဝ်ဘိူန်းခ္လေါႈဒါကိူရ်အောႏ။
ကဒါႇ တံပ်ဆီုက်တအာင်း PSLF/TNLA ကဲမာ် ဟည်ဘြဲဆား ဒေင်အီလူလှဲဝ်ႏဟာဝ်းကဲဂဲနီန်အောႏ။
ဒီဘိူန်း ဘဝ်ကီုက်ဒါင်း 3 ဖုင်ကဲတထိင်ခြဲ ဒီကစာပ်ကုင်ခယ် – ကုင်ကပိုမ်(ဘြာန်) 105 မဲင် ကာည်း ဒီဘိူန်းတံပ်ကညာအာဏာဆီုက်ဇေဝ်ကဲတ ထိင်ခြဲ ဒေင်မူစယ် ဘံန်ဟောည်ႇရေဲန်ဟာဝ်း လံပ်တီုက်နာန်း 1027 နီန် ဂေါ,မို; တံပ်ကညာအာဏာဆီုက်ဇေဝ်ကဲ ဂေါည်ဂေါည်ဘိဇာဝ်း စီပဲန်လိူည်ဒါဟာဝ်း ဒေင်နမ့်ဖက်ကာ- အေဲမ်ခြီရ်- မူစယ်နီန်အောႏ။
တီုင်ဌာနအွံရ်နှဲ ဘည်မိုႈခူရ်က္လာည်း ကာည်း ဇလဗေဒ တံပ်ကညာအာဏာဆီုက်ဇေဝ်ကဲ ပ္လိူရ်ႈလေႈဒါႈ တောပ်ဘည်ပ်ုန်လာမ်းအူန်းကဲ အမှိူဝ် ကျံရ်ဇူန် ဆငည်း 1 ရောတ် အဒိူဝ် ကျံရ်ဇူန် ဆငည်း 2 စူန်အံပ်နီန် ပမကွေး၊ ကပီုန်ဒါင်း ဆကဲင်၊ ကယား ကာည်း ပကပီုန်ဆျှံမ် ကဒါႇပိူည်နီန် တောန်ဒီအ်ုန်နံင်က္လာည်းကစာပ်ဖါ်ႈ ဒီပေန်ခ္လကဲဒိူန်စီ နံင်မိူဝ်ႈလိူည် ဘည်က္လာည်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
