ရွှေဖီမြေ၊ မေလ ၂၆ ရက်
ကိုးကန့်တပ်မတော်-MNDAA ထိန်းချုပ်ထားတဲ့ဒေသက စာသင်ကျောင်းတွေမှာ တာဝန်ထမ်းဆောင်ဖို့ CDM ဆရာ/မ တွေဖိတ်ခေါ်ကြောင်း မနေ့ မေလ ၂၅ ရက်မှာ ကိုးကန့်တပ်က ကြေညာချက်ထုတ်ပြန်ပါတယ်။
ပြီးခဲ့တဲ့ ၂၀၂၄-၂၅ ခုနှစ်က ကိုးကန့်တပ်ထိန်းချုပ်ဒေသမှာ ကျောင်းပေါင်း ၂၂ ကျောင်းဖွင့်လှစ်ထားပြီး လာမယ့် ၂၀၂၅-၂၆ ပညာသင်နှစ်မှာ စာသင်ကျောင်းတွေ တိုးချဲ့ဖွင့်လှစ်သွားမယ်လို့ ဆိုပါတယ်။
ဒါကြောင့် အခြေခံပညာကျောင်းတွေမှာ CDM ပြုလုပ်ထားသူဆရာမ/မ တွေ၊ တက္ကသိုလ်တစ်ခုခုမှာ ဘွဲ့ရရှိထားသူတွေနဲ့ CDM ပြုလုပ်ထားတဲ့ တက္ကသိုလ်ကျောင်းသားတွေအနေနဲ့ အထူးဒေသ- ၁ မှာ တာဝန်ထမ်းဆောင်လိုသူတွေအနေနဲ့ လာရောက်လျှောက်နိုင်တယ်လို့ ဆိုထားပါတယ်။
လျောက်ထားလိုသူတွေအနေနဲ့ အောက်ဖော်ပြပါလင်ခ့်
https://www.surveyheart.com/form/681f04f3f061e226ef143cf4 နဲ့ တယ်လီဂရမ်ချန်နယ်မှာ လျှောက်ထားနိုင်တယ်လို့ ဆိုပါတယ်။
ကိုးကန့်တပ်ဟာ လက်ရှိမှာ သိန္နီ၊ ကွမ်းလုံ၊ ချင်ရွှေဟော်၊ လောက်ကိုင်၊ ကုန်းကြမ်း၊ တာမိုးညဲနဲ့ ပန်ဆိုင်း(ကြူကုတ်)မြို့တွေကို ထိန်းချုပ်ထားပြီး ၎င်းတို့ရဲ့ အုပ်ချုပ်ရေးယန္တရားနဲ့ လည်ပတ်နေပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
