ရွှေဖီမြေ၊ ဧပြီ ၂၈ ရက်၊ သပိတ်ကျင်း
မန္တလေးတိုင်း သပိတ်ကျင်းမြို့နယ်မှာ စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် ထိခိုက်သေဆုံးသူတွေကို သပိတ်ကျင်းမြို့နယ် ပြည်သူ့ကာကွယ်ရေးတပ်ဖွဲ့က သိန်း(၂,၃၀၀)ကျော် ထောက်ပံ့ပေးခဲ့တယ်လို့ ပြည်သူ့ကာကွယ်ရေးတပ် သပိတ်ကျင်းမြို့နယ်က ဒီနေ့ ဧပြီ ၂၈ ရက်မှာ ထုတ်ပြန်လာပါတယ်။
သပိတ်ကျင်းမြို့နယ်မှာ ဧပြီလအတွင်း လေကြောင်း တိုက်ခိုက်မှုကြောင့် သေဆုံးသူ ၄၂ ဦး၊ ဒဏ်ရာရသူ ၄၅ ဦးနဲ့ နေအိမ် ၄၂ လုံး ထိခိုက်ပျက်စီးခဲ့တယ်လို့ ဖော်ပြထားပါတယ်။
သေဆုံးသူ ၄၂ ဦးထဲမှ တစ်ဦးကို သိန်း ၂၀၊ ဒဏ်ရာရသူတစ်ဦးကို ၁၅ သိန်းနဲ့ နေအိမ်ပျက်စီးသူအတွက် တစ်အိမ်ကို သိန်း ၂၀ ကူညီထောက်ပံ့ပေးပြီး စုစုပေါင်း (၂,၃၅၅)သိန်း ထောက်ပံ့ပေးခဲ့တယ်လို့ ထုတ်ပြန်ချက်ထဲ ဖော်ပြထားပါတယ်။
သပိတ်ကျင်းမြို့နယ်မှာ လေကြောင်းတိုက်ခိုက်မှု ဘေးအန္တရာယ်သင့်သူတွေကို သပိတ်ကျင်းမြို့နယ် ပကဖနဲ့ သပိတ်ကျင်းတိုက်နယ်ပကဖက ကူညီထောက်ပံ့ရေး ကော်မတီ ဖွဲ့စည်းပြီး ထောက်ပံ့ပေးခဲ့တာလို့ ဆိုပါတယ်။
သပိတ်ကျင်းမြို့နယ်ထဲ သင်္ကြန်ကာလကစပြီး လေကြောင်းကနေ ဆက်တိုက် ဗုံးကြဲတိုက်ခိုက်ခဲ့ရာ ဒေသခံ ထိခိုက်သေဆုံးမှု များခဲ့ပြီး အများစုကလည်း နေရပ်စွန့်ခွာထွက်ပြေးရတာတွေ ရှိနေပါတယ်။
