ပို့လဘား၊ မတ်လ ၂၆ ရက်၊ ကွတ်ခိုင်
ရှမ်းမြောက် ကွတ်ခိုင်မြို့နယ် လုံကြိမ်ကျေးရွာမှာ မိုးနဲ့အတူ မိုးသီး ရွာချတာကြောင့် နေအိမ် ထိခိုက်ပျက်စီးခဲ့တယ်လို့ ဒေသခံတစ်ဦးက ပြောပါတယ်။
ပြီးခဲ့တဲ့ မတ်လ ၂၂ ရက် နေ့လယ် ၂ နာရီကျော်မှာ မိုးသီး ရွာချပြီး လုံကြိမ်ရွာမှာရှိတဲ့ နေအိမ်ရဲ့ ခေါင်မိုးတွေ ပျက်စီးသွားတယ်လို့ ဆိုပါတယ်။
“၅ အိမ် ၆ အိမ်ပေါ့ ပေါက်တာက တချို့အိမ်ကလည်း မပြင်ရသေးဘူး။ အဲနေ့ မိုးအရမ်းရွာပြီးမှ လောက်စာလုံးလောက်ရှိတဲ့ မိုးသီး ကျလာတယ်။ သွပ်မိုး ဆွေးဟောင်းနေတဲ့ အိမ်တွေ ပေါက်တာ”
အလားတူ မတ်လ ၂၂ ရက် နေ့လယ် ၃ နာရီခွဲမှာလည်း နမ့်ခမ်းမြို့နယ်ထဲက ကျေးရွာတချို့မှာ မိုးသီး ရွာချတာကြောင့် နေအိမ် ရာနဲ့ချီ ပျက်စီးခဲ့ပါတယ်။
မတ်လ ၂၃ ရက်ကလည်း ကွတ်ခိုင်မြို့က ရပ်ကွက် ၂ မှာ လေပြင်း တိုက်ခိုက်ရာကနေ သစ်ပင် လဲကျမှုကြောင့် နေအိမ် ၂ လုံး ထိခိုက်ပျက်စီးခဲ့ပါတယ်။
