မိုင်းပန်ပျော်၊ မတ်လ ၇ ရက်၊ ကွတ်ခိုင်
တအာင်းတပ်မတော်-TNLA ထိန်းချုပ်ထားတဲ့ ကွတ်ခိုင်မြို့နယ် ဟိုခိုကျေးရွာမှာ နေအိမ်တစ်ခုလုံးမီးလောင်ပြာကျခဲ့တဲ့အိမ်က မိသားစုတွေ အိမ်ပြန်ပြင်ဖို့ အကူအညီလိုအပ်နေတယ်လို့ မိသားစုဝင်နဲ့နီးစပ်သူတွေက ရွှေဖီမြေကိုပြောပါတယ်။
နေအိမ်မီးလောင်ပြာကျခဲ့တာကြောင့် အဲ့ဒီအိမ်မှာနေတဲ့ မိသားစုဝင်တွေက ၆ ယောက်ရှိပြီး အဲထဲက ၄ ယောက်က မသန်စွမ်းဖြစ်နေတာကြောင့် အိမ်ပြန်ပြင်ဖို့ အကူအညီလိုအပ်နေတယ်လို့ မိသားစုဝင်နဲ့နီးစပ်သူတွေက ရွှေဖီမြေကိုပြောပါတယ်။
“သူတို့မိသားစုအကုန်လုံး မသန်စွမ်းထဲမှာဝင်တာ သူတို့အမေဘဲ နည်းနည်းကောင်းတာ။ အိမ်ကလူဘာမှမဖြစ်ရင်တော့ တစ်မျိုးပေါ့နော်။ ဒါကျတော့ ဘာမှလည်းမရှိဘူး မသန်စွမ်းလည်းဖြစ်သေးတယ်။ မသန်စွမ်းဆိုဝောာ့ သိတဲ့အတိုင်းပဲလေ။ နဂိုကတည်းကဆင်းရဲနေတယ်ဆိုတော့ အဲ့ဒါကြောင့် သူတို့အိမ်ပြန်ပြင်ဖို့ရယ် သူတို့စားဝတ်နေရေးအတွက် အကူအညီလိုအပ်နေတယ်”
အခုလက်ရှိမှာ အဲဒီမိသားစုတွေ အိမ်မီးလောင်ပြာကျတော့တာကြောင့် အိမ်ခြံထဲနေနေရပြီး စားဖို့အတွက်လည်း ရွာသားတွေပေးတဲ့ ဆန်တွေနဲ့ပဲစားသောက်နေရတယ်လို့ ဆိုပါတယ်။
မနေ့က မတ်လ ၃ ရက် နေ့လယ်ပိုင်း ၃ နာရီဝန်းကျင်မှာ အိမ်ရှင်ဖြစ်သူက အပြင်သွားနေတဲ့အချိန် နေအိမ်မီးလောင်မှုဖြစ်ပွားခဲ့ပြီး နေအိမ်မီးလောင်ပြာကျသွားခဲ့တာပါ။
နေအိမ်မီးလောင်ပြာကျခဲ့တာကြောင့် အိမ်ထဲမှာရှိတဲ့ ဆန် ၁ အိတ်နဲ့ စပါး ၄ အိတ် ပိုက်ဆံ ၁ သိန်း ၃ သောင်းလည်းပါသွားခဲ့တယ်လို့ ပြောပါတယ်။
